Мазкур турда "Машъал" клуби Тошкентда "Навбаҳор"га қарши ўйин ўтказиб 1:0 ҳисобида ғалабага эришди. Шу куни "газчилар" дарвозасини Раҳимжон Давронов ўз дарвозасини ишончли тарзда қўриқлади ва жамоаси ғалабасига катта ҳисса қўшди. Бу мавсум стабил ўйин намойиш этиб келаётган Давронов ўзидан яхши таассурот қолдираяпти. Бир нечта хавфли зарбаларни қайтарган Раҳимжон Давронов championat.asia талқинига кўра 11-турнинг энг яхши дарвозабони деб топилди.

Олмалиқнинг АГМК клуби 11-турда "Андижон"га қарши ўйнади. Учрашувда ҳисобни водий клуби очишга эришди. Иккинчи таймда захирадан майдонга тушган грузиялик Элгужа Григалашвили ажойиб зарба билан ҳисобни тенглаштирди ва ўйиннинг боришига жиддий таъсир кўрсатиб берди. Зарба траекторияси жуда ҳам чиройли чиқди ва тўп дарвоза устунига тегиб тўрга бориб тушди. Championat.asia талқинига кўра турнинг энг чиройли голи муаллифи Элгужа Григалашвили.

Муборакнинг "Машъал" клуби юқорида таъкидлаганимиздек "Навбаҳор"ни 1:0 ҳисобида мағлуб этди. Шу куни "газчилар" рақибдан ҳайиқмай, яхши ўйин намойиш этишди. "Машъал" катта мураббийи Дилявер Ваниев Суперлигада мураббий сифатида биринчи мавсумини ўтказмоқда ва россиялик Андрей Канчельскис бошқараётган, чемпионлик ва ОЧЛ учун курашаётгани айтилаётган "Навбаҳор"ни мағлуб этди. Шу боис Championat.asia талқинига кўра Дилявер Ваниев 11-турнинг энг яхши мураббийи деб топилди.

Тажрибали Жасур Ҳасановни кўпчилик иккинчи ёшлигини ўтказмоқда деб айтмоқда. "Сўғдиёна" бош мураббийи Улуғбек Бақоев ўйиндан кейин ёш футболчилар Жасур Ҳасановдан ўрнак олишсин деб бежизга айтгани йўқ. Бугунги кунда Ҳасанов ҳам майдонда, ҳам майдон ташқарисида "Сўғдиёна"нинг ҳақиқий етакчиси.

Суперлига. 11-тур лауреатлари