Championat.asia тур баҳслари асосида тур лауреатларини аниқлади.

АГМК клуби бу турда Тошкентда "Пахтакор" меҳмони бўлди ва 0:0 ҳисобида дуранг ўйнади. Олмалиқликлар посбони шу куни яхши ўйнади ва рақибларнинг бир қатор зарбаларини қайтаришга эришди ва жамоаси чемпион майдонидан дуранг билан қайтишига катта ҳисса қўшди. АГМК посбони Ботирали Эргашев championat.asia сайти талқинига кўра 6-турнинг энг яхши дарвозабони деб топилди.

"Олимпик" бу тур Тошкент дербисида "Бунёдкор"ни шармандали ҳисобда тор-мор этди - 5:1. "Олимпик" учун бу ғалаба Суперлигадаги биринчи ғалаба бўлди. Шогирдлари чиройли ўйин ва голлар шоусини тақдим этиб бергани боис Championat.asia сайти талқинига кўра, 6-турнинг энг яхши мураббийи Тимур Кападзе бўлди.

Бу турда "Сўғдиёна" ярим ҳимоячиси, 38 ёшли Жасур Ҳасанов "Металлург" билан баҳсда ажойиб гол урди ва тур голи муаллифига айланди. ГОЛНИ ТОМОША ҚИЛИШ

"Олимпик" ҳужумчиси Русланбек Жиянов "Бунёдкор"га қарши баҳсда битта гол урди ва битта гол урилишига катта ёрдам берди. Шу тариқа, Русланбек Жиянов championat.asia талқинига кўра 6-турнинг энг яхши футболчиси деб топилди.

Суперлига. 6-тур лауреатлари