"Пахтакор"нинг сербиялик ҳужумчиси Драган Черан кетма-кет олтинчи маротаба чемпионат тўпурарига айланди. 37 ёшли футболчи рақиб дарвозаларига 13 та тўп киритиб, ундан битта кам гол урган "Сўғдиёна" ҳужумчиси Люпчо Дориевни ортда қолдирди.

Черан 2019 йилдан бери Ўзбекистон чемпионати тўпурари бўлиб келмоқда. "Шерлар" таркибида форвард Суперлига доирасида аввалги беш мавсумда 23, 21, 16, 20 ва 13 тадан гол урган.

Эслатиб ўтамиз, аввалроқ сербиялик легионернинг "Пахтакор" бош мураббийи Максим Шацких билан келишмовчиликка бориб, асосий таркибдан четлатилгани ҳақида хабар берилганди.

Шунингдек, ҳужумчининг "Бунёдкор"га ўтиши мумкинлиги ҳақида айтиб ўтилганди.

Суперлига. Драган Черан кетма-кет 6-мавсум тўпурарга айланди