"Бугун биз учун ҳар қачонгидан кўра муҳимроқ баҳс эди. Майдонимиздаги баҳсларда ғалаба қозонишимиз шарт. Ўзларига бўлган ишонч ортиши учун ҳам керакли ғалаба бўлди. Бу ғалаба уларга кўпроқ ишонч беради. Бугун натижа учун ҳам ўйин кўрсатдик. Оғир ўйин лекин буни уддаладик" , - дейди Шамакович.

- Азиз Ибрагимовни ўйини мухлисларга маъқул келди ва жамоанинг энг яхши ўйинчиларидан бирига айланмоқда.

Йўқ мен битта футболчини ажратиб кўрсатмайман. Жамоамиз аҳил ўйин кўрсатди ва шу боис натижа бўлди.

- Бугун нега Болиян ва Мандреченко сингари легионерлар таркибга киритилмади?

Бу футболчиларимизни литзензиялари олиб қўйилган. Энди қачон федерация билан масалалар ҳал қилиб бўлинса майдонга тушиши мумкин.

- Бугунги кейинги баҳслари "Бунёдкор", "Машъал", "Пахтакор" ва "Насаф"га қарши бўлиб ўтади. Бу ўйинлар ҳақида фикрингиз қандай ?

Бу йилги чемпионатда ҳар қандай натижа қайд этилади ва қайд этилмоқда. Чемпионатимизда ауцайдер жамоанинг ўзи йўқ. Ҳар қайси жамоа пешқадамни мағлуб эта олади. Кучли ёки кучсиз деган тушунчани кўрмаяпман. Ҳаммаси жамоанинг ўзига боғлиқ. Биз ҳар қандай рақиб билан муносиб ўйнамоқчимиз.

Тачмурод Агамуродов: "Чемпионатда аутсайдeр жамоа йўқ"