Эслатиб ўтамиз, "Фенербахче" ҳамда "Бешиктош" ўртасидаги Туркия Кубоги ярим финал ўйини стадиондаги тартибсизликлар туфайли 58-дақиқада тўхтатилган эди. "Фенербахче" мухлислари "Бешиктош" захира ўриндиғи томон танга ва ёндирғичдан тортиб сув идишгача улоқтиришди. "Бешиктош" захира дарвозабони Толга Зенгин бошига бир нарса тегди, кейин жамоа бош мураббий Шенол Гюнешни ҳам жароҳатлашди.

ТФФ ушбу учрашувни қайтадан ўтказиш қарорини қабул қилганди, бироқ "Бешиктош" клуби жавоб ўйинида иштирок этмади. Федерация қарорига кўра, "Фенербахче" финалга чиқди, "Бешиктош" эса бир мавсумга Туркия Кубогидан четлаштирилди.

ТФФ "Бешиктош"ни бир мавсумга четлатди