"Жар" стадионида кечган учрашувда Умид Султоновнинг сўнгги дақиқаларда урган голи "қалдирғочлар"га ғалаба келтирди. Учрашувдан сўнг "Бунёдкор" футболчисининг фикрлари билан қизиқдик.

"Қачон ва қандай пайтда гол урсам ҳам жамоамга фойда келтиришга ҳаракат қиламан. Фурсатдан фойдаланиб ота-онамга раҳмат айтаман. Улар мени ҳар доим дуо қилиб туришади. Ўйиндан олдин отам майдонга тушиб гол уришимни айтгандилар.
"Нефтчи"ни бу йил ҳали ютмаган эдик. Шу омил ҳам бизга мотивация вазифасини ўтади. Бор кучимиз билан ҳаракат қилдик. Эътибор берган бўлсангиз, бугун бошқача тактик-схемада ўйнадик. Бу ҳам ўз таъсирини ўтказди. Ғалаба барчанинг меҳнати билан қўлга киритилди",- дейди Умид Султонов.

Умид Султонов: "Кеча отам гол урасан, деб айтгандилар"