Баҳсдан олдин Андрей Шипилов шогирдларининг имкониятлари юқори чамаланган эди. Амалда ҳам шундай бўлиб чиқди. Ўз уйида мағлубият аламини тотиб кўрган "Андижон" футболчиларига янги мураббий Виктор Кумиковнинг фалсафасини тушуниб олиши учун маълум бир вақт керак. Буни кечаги ўйин ҳақида фикрларини билдирган футболчи Усмонали Исмоналиев ҳам тасдиқлаган ҳолда баҳс борасидаги таассуротлари билан ўртоқлашди.

"Рақибимиз "Металлург" совринли ўринлар учун курашаётган яхши савиядаги жамоа ҳисобланади. Улар ўтган турда сафарда "Локомотив"ни йирик ҳисобда мағлубиятга учратган эди. Шу боис биз билан учрашувга кўтаринки кайфиятда етиб келишди. Уларнинг таркибидаги футболчиларнинг спорт формаси яхши эканлиги кўриниб турибди. Биз эса яна ўз хатоларимиз эвазига мағлуб бўлдик. Мағлубиятга баҳона изламоқчи эмасман. Биз ҳам ғалаба учун майдонга тушгандик. Футболда гоҳида пасайишлар бўлади. Мағлубиятлар кетидан эса ёрқин ғалабалар келади. Кейинги ўйинларда ютишга ҳаракат қиламиз",- дейди Усмонали Исмоналиев.

Усмонали Исмоналиев: "Мағлубиятга баҳона изламоқчимасман"