"Динамо" Жоэль Кожони "Истиқлол"га сотишни истамади. Футболчи мураббий ва клуб директорини айбламоқда

Биз вазиятга ойдинлик киритиш мақсадида Вадим Абрамов билан боғландик.

- Жоэль Кожо билан боғлиқ вазият ҳақида сўрамоқчи эдик. "Истиқлол" клуби таклиф билан чиққани ростми?
- Ҳа, битта эмас иккита клуб бизга таклиф билан чиқди.

- Трансфер амалга ошмай қолганида футболчи ва унинг турмуш ўртоғи сизни ва директорни айбламоқда...
- Биласизми мен кимнидир турмуш ўртоғининг фикрига жавоб беришни истамайман.

- Майли, трансфер нима учун амалга ошмади?
- Агар бу таклиф Ўзбекистондаги трансфер ойнаси очиқ пайтида бўлганида биз ўйлаб кўрган бўлардик. Сабаби биз Кожони сотсак ўрнига бошқа ҳужумчи олишимиз керак бўларди. Ҳозир бизда трансфер ойнаси ёпиқ. Нима уни қўйиб юборишимиз керакмиди? Футболчининг клуб билан 1,5 йиллик шартномаси бор.

- Кожо ўз интервьюсида футбол ўйнашга хоҳиши йўқлигини айтди. Ҳужумчи бу ишлардан кейин футбол ўйнамай қўйиши, голлар урмай қўйишидан қўрқмайсизми?
- Агар шундай қиладиган бўлса фақат ўзига зарар қилган бўлади. Агар футбол ўйнамай қўйса биздан кейин кимга керак бўларкин? Аслида у "Динамо"даги ўйинлари орқали шу даражага чиққанини унутмаслиги керак.

Вадим Абрамов Кожо бўйича вазиятга ойдинлик киритди