"Бир томондан ПСЖ ҳайрон қолдирди. Бошқа томондан жамоа шундай ўйин кўрсатиши кутилган эди. Ҳақиқатдан ҳам ҳайрон қолдирган инсон Луис Энрике бўлди.

Илк дақиқалардан жамоа анчадан бери фойдаланмаган 4-4-2 схемасида ўйнаётгани кўринди. "Барселона" сўнгги 20 дақиқаликда ғалаба қозонди, аммо илк дақиқалардан устунлик қилганини анчадан бери эслай олмайман. Жамоа бундай учрашувга тайёр эмасди.

4-4-2 (бу ҳимоявий схема) да ўйнаш ва рақиб майдонида прессинг уюштириш - муаммоларга олиб келади. Бускетс ва Иньеста олдинга чиқиб кетган пайтларда, катта бўшлиқ пайдо бўла бошлади. Шундан сўнг хавфли вазиятлар ва голлар бўлди.

4-3-3 схемасида Бускетс бир ўзи таянч ярим ҳимоячиси бўлиб қолганида муаммолардан қутилиб қолса бўлар эди. "Барселона"да икки таянч ярим ҳимоячиси олдинга чиқиб, тезда ортга қайтиши керак эди. Шу сабабли "Барселона" ҳужумларида узилишлар кўп бўлди.

"Атлетико" - айни дамда 4-4-2 схемасида ўйнайдиган энг яхши жамоа. Икки таянч ярим ҳимоячилари бизнинг тил билан айтганда "ит" вазифасини ўтайди. Иньеста эса "ит" эмас - у ҳужумларни бошлаб беради.

Месси тўпни йўқотганида ортга қайтмади. Аммо у ҳеч қачон бундай қилмаган. Шу сабабли ушбу муаммоларни унга ағдариш тўғри эмас. Лео таянч ҳудудига қайтиши керак бўлди, чунки у ерда футболчи етишмаётган эди ва Месси ўша жойда ҳужумни бошлашга ҳаракат қилди. Муаммо шундаки, аргентиналик тўпни ўз ярим майдонида қабул қилди.

Бу схемадан фойдаланиш мумкин ва айни дамда кўплаб мураббийлар бу усулни қўллашмоқда. Ундан "Барселона" футболчилари билан фойдаланиш мумкин, аммо ўйин тарзини ўзгартириш керак. Яьни бу схема бўйича сен жиддий прессинг уюштирмайсан" - дейди Карпин.

Валерий Карпин: "Иньеста "ит" эмас"