- Ўйин ҳақида

- Рақибни табриклайман. Бугун битта жамоа футбол ўйнашга ҳаракат қилди. Ҳақли ғалаба. Бугун интенсив бўла олмадик. Бугун йигитларим ёмон ўйнашди дея олмайман. Бундай натижадан сўнг учрашувга тўлиқ тайёрланмадик дея оламан. Кўриниб қолдики, ўйинга тайёр ҳолда чиқиб келмадик.

- Бугун "Бухоро" қандай мақсад қўйганди?

- Мақсад футбол ўйнаш эди. Қўрқмасдан футбол ўйнашни истагандик. "Насаф" футболчиларининг барчаси кучли. Ҳимояда эҳтиёт бўлиши керак эди, рақиб жуда хавфли. Агрессив ҳаракат қилмоқчи эдик, ўхшамади. Илк гол сабабли биринчи бўлимда тўртта ўтказдик. Психологик томондан ёмон таъсир қилди бу гол. Жамоани ўйинга тайёрлаш учун керакли сўзларни айта олмадим десам бўлади. Бу мураббийлар штабининг камчилиги. "Насаф" ўзи ҳам футбол ўйнайди, рақибга ҳам бу имконни беради.

- "Бунёдкор" билан ўйиндаги "Бухоро" билан бугунгисини катта фарқи бор...

- Исталган жамоа рақиб қандай имкон берса шундай ўйнайди. "Насаф" бугун бизга имконият қолдирмади. Биринчи голни ўтказмаганимизда балки бундай бўлмасди. "Бунёдкор" ўйнашга берганди, "Насаф" бермади.

- "Бухоро"нинг ўз майдонига қайтиши жамоа учун нималарни ўзгартиради?

- Ўз уйингда деворлар ҳам ёрдам беради. Биз буни анчадан бери кутардик. Жамоа барча ўйинни сафарда ўтказса, бу жуда қийин. Тайёргарликни уйда қилиб, кейин яна йўлга отлансангиз, бу қийинчилик туғдиради. Футбол мухлислар учун ўйналади. Бухорода жуда кўп мухлислар бизни қўллашади.

- Раҳбарият сизга қандай вазифаларни қўйган?

- Ҳар бир учрашувда ғалаба қозониш. Кубок финалига чиқиш.

Виктор Карпенко: "Илк гол сабаб биринчи бўлимда тўртта ўтказдик"