Дастлаб меҳмонлар жамоаси катта мураббийи Хайрулла Абдиевга юзландик.

- Ўйин ҳақида нима дейиш мумкин? Рақибимиз “УзДонгЖу” яхши шаклланган жамоа экан. Бугун улар ўз майдонида ютишга интилди. Лекин бизнинг футболчилар ҳам ижобий натижа билан ортга қайтиш мақсадида астойдил харакат қилишди. Назаримда якуний натижа ўйинга мос бўлди – дея гап бошлади Абдиев.

- Иккинчи таймда мухлислар янада шиддатли ўйинга гувоҳ бўлди деб ўйлайман. Ҳар икки жамоада ҳам яна гол уриш учун имкониятлар бўлди. Айниқса бизнинг футболчиларда бир нечта қулай вазиятлар туғилганди. Аммо омадимиз келмади.

- Биринчи бўлиб ҳисобни очганимиздан сўнг йигитлар ўзларини бироз бўшаштириб юборишди. Натижада мезбонлар ҳам кўп ўтмай жавоб тўпини киритди. Қолаверса “УзДонгЖу” ҳисобни тенглаштирганидан сўнг асосан қарши ҳужумда ўйнагани сабабли ҳам яна гол уришимиз қийинлашиб борди.

- Олдимизга элитага чиқиш вазифаси қўйилган. Айни дамда шунга харакат қилмоқдамиз. Бу борада “Обод”га “Оқ-тепа” ёки “Хоразм” шерик бўлади деб ўйлайман.

Исломбек Рустамбеков суҳбатлашди.

Хайрулла Абдиев: “Олдимизга элитага чиқиш вазифаси қўйилган”