Кеча "Динамо" нинг "Шердор" билан назорат учрашувида мана шу икки футболчи "Шердор" сафида майдонга тушди. Шу фурсатдан фойдаланиб биз ушбу футболчилар билан қисқача суҳбатлашдик.

- Салом. Самарқандга келишингиз ҳақида айтиб ўтсангиз. Бу қандай рўй берди?
- Ўзбекистонга биринчи бор келишимиз. Биз уч киши бўлиб ташриф буюрдик. Мен, Ловеренс ва агентимиз. Самарқандга эса кеча келдик. Бундай дейишимизга сабаб биз бир ой олдин Ўзбекистонга ташриф буюрган эдик. Қайси жамоа эканлигини аниқ билмайман лекин Биринчи лиганинг "НБУ-Осиё" учун аталган стадионида машғулотларда қатнашдик. Шундан сўнг мана ҳозир кўпчилик танийдиган Самарқанд шаҳридамиз. Бизга шаҳар жуда ёқди. Кеча фақат бир марта машғулотларда иштирок этдик. Ҳозирда меҳмонхонада яшаяпмиз.

- Келишингиз ўзи -ўзидан содир бўлмагандир?
- Албатта. Биз аввалдан Девид Онияни танир эдик. Агентимиз билан яхши экан. Шу орқали келдик десак ҳам бўлаверади. Бу стадион жуда ажойиб ҳолатда экан. Стадион ва шаҳар жуда ёқди.

- Аввал ҳам бирон жамоада ўйнаган эдингизми ?
- Аввал ҳеч қачон хорижий чемпионатларда бўлмаганмиз. Биринчи хорижда ўйнашимиз мумкин. Фақат Нигерия чемпионатида ўйнаганмиз. Терма жамоада эса йўқ.

- Қайси чизиқда ўйнайсиз одатда?
- Мен ўнг қанот ярим ҳимоясида, Ловернс эса марказий ҳимояда ўйнайди.

- Тил борасида муаммо бўлмайдими ?
- Биз инглиз тилида суҳбатлаша оламиз. Қийинчилик туғдирмайди деб ўйлайман.

- Яқинда Африкадан бир қатор футболчилар Ўзбекистонга таклиф этилаётганлиги ва улар Это'О футбол академияси тарбияланувчилар эканлиги футбол агенти томонидан айтилган эди. Сизлар ҳам шу академияданми?
- Йўқ биз Нигериядан. У академия эса Камерунда жойлашган.

Ёқуб Майза: "Бизга Ўзбекистон жуда ёқди"