"Ювентус" ёзги трансфер ойнасида 21 млн. евролик харидлар амалга оширди, футболчиларни сотишдан эса 82,3 млн. евро ишлаб олди. Маълумотларга кўра, ортиқча маблағ фойда ва зарар ҳисобини балансга тенглаштиришга ёрдам беради, бу эса акциядорлар ва УEФА томонидан талаб қилинади.

Бундан ташқари, "Ювентус" иш ҳақи харажатларини 36 миллион еврога, яъни умумий иш ҳақи фондининг 15 фоизига камайтиришга муваффақ бўлди. Бу Анхель Ди Мария, Леандро Паредес, Хуан Куадрадо ва Леонардо Бонуччиларнинг кетиши эвазига содир бўлди.

Шунга қарамай, ушбу ёздаги сотувлар ҳисоботга жиддий таъсир ўтказмайди. Масалан, Денис Закариянинг 20 миллион еврога сотилиши кейинги ҳисоботда атиги 4,6 миллион сифатида акс эттирилади, Николо Ровелла ва Лука Пеллегрини трансферларидан тушган даромад "Юве"ни қадрсизланишдан халос қилмасдан, икки йилдан сўнг харид амалга оширилганда қайд этилади.

"Ювентус" ёзги трансфер ойнасида 40 млн. евро ишлаб олиниши кўзланган Душан Влаховични сота олмади. Бундан ташқари, келаси йили сербнинг маоши автоматик тарзда 12 миллион еврога кўтарилиши туринликларни босим остида қолдиради.

Ҳозирги шароитда "Юве" 22/23-молиядаги ҳисоботларнинг яхшиланишини кутмоқда (сўнгги йиллардаги катта йўқотишлар билан солиштирганда), аммо 23/24-молиядаги вазият Exor олдини олишни истайдиган капитални оширишдан қочиб қутула олмайди.

"Юве" 82,3 млн. еврога футболчи сотди, янгиларга эса 21,7 млн. евро ишлатди