"Зоб Аҳан"
"Зоб Аҳан" ўз майдонида Ўзбекистон клубларини икки марта мағлуб этган. 2004 йил "Пахтакор" 1:0, 2010 йил "Бунёдкор" 3:0 ҳисобида таслим қилинган.

Клуб гуруҳ босқичида 3та турдан сўнг гол ўтказмаган ягона жамоа бўлиб турибди. Бундан ташқари "Зоб Аҳан" футболчилари 3та ўйинда умуман сариқ карточка олмаган. Бу борада ҳам клуб биринчи ўринда.

Гол ўтказмаган жамоа гол уришда мақтана олмайди. Маҳди Ражабзода томонидан биринчи турда урилган гол ҳозирча Эрон жамоаси учун ягона бўлиб турибди.

Ливанлик ҳимоячи Али Ҳаммам жароҳати туфайли "Бунёдкор"га қарши ўйнай олмайди.

"Зоб Аҳан" гуруҳ босқичида "Фулад Шаҳр" стадионида сўнгги бор майдонга тушади. Сабаби "Ал Насср"га қарши баҳс Уммон пойтахти Маскат шаҳридаги "Султон Қобус" стадионида бўлиб ўтади.

Ички чемпионат
"Зоб Аҳан" ўтган пайшанба куни сафарда "Фулад" меҳмони бўлиб 3:4 ҳисобида ютқазиб қўйди. Жамоа 24та ўйиндан сўнг 38 очко билан мусобақа жадвалининг 4-поғонасида бормоқда.

Статистика
Эртага клуб ОЧЛдаги ўзининг 30-учрашувини ўтказади. Олдинги ўйинларнинг 15тасида ғолиб чиққан ва 8 марта дуранг ўйнаган. 6 марта имконият бой берилган. Тўплар нисбати ажойиб - 33:22.

Ўз уйидаги статистика қуйидагича: 14та ўйин, 9 ғалаба, 3 дуранг ва 2 мағлубият. 22та гол уриб 11та ўтказиб юборилган.

"Бунёдкор"
"Қалдирғочлар" Эронда 9та ўйин ўтказишган. Натижалар қуйидагича: 3та ютуқ, 2та дуранг ва 4 мағлубият. Ўтган йил "Персеполис" майдонида 1:2 ҳисобида ютқазган.

"Бунёдкор" "Зоб Аҳан" билан дуранг (0:0 ) ўйнаб ўзининг гуруҳ босқичидаги ғалабасиз серияси 11та ўйинга етди. 2014 йил апрель ойида "Ал Жайиш" 2:1 ҳисобида таслим қилинганди.

Жамоа гуруҳ босқичида охирги 11та ўйинда 5та гол урган. Уларнинг 3таси 1-турда "Ал насср"га қарши баҳсда урилди.

Элдор Шомуродов, Рустам Ашурматов, Александр Алемпиевич ва Отабек Шукуров ҳисобида биттадан сариқ карточка бор. Улар учун кейинги огоҳлантириш дисквалификацияга сабаб бўлади.

Ички чемпионат
"Бунёдкор" олий лиганинг 3-турида мавсумдаги илк очколарини йўқотди. "Машъал"ни қабул қилган Лушан шогирдлари 0:0 ҳисобида дуранг ўйнашди. "қалдирғочлар" учта турдан сўнг 7 очко тўплашди.

Статистика
"Бунёдкор" эртага Осиё чемпионлар лигасидаги 72-учрашувини ўтказади. 26 марта ғолиб бўлган, 20та учрашувда дуранг ўйнаган ва 25 бор ютқазган. 83 марта рақиблар дарвозасига гол урган ва 85та гол ўтказган. Сафарда 36та ўйиннинг 10тасида ғалаба қозонган, 11 бор дуранг ўйнаган ва 15 марта ютқазган. 35та тўп киритиб 53та гол ўтказган.

"Зоб Аҳан" - "Бунёдкор" учрашуви олдидан