—Охирги турда сафарда “Бухоро” жамоасига қарши қийин ўйинни ўтказганимиз бугун ўзининг салбий таъсирини кўрсатди, — дея сўз бошлади Зоир Тўрақулов. — Ўз майдонимизда ўйнашимизга қарамай, бугун жамоамизнинг ўйини чиқмади.

—Охирги икки учрашувда мағлубиятга учрагани ҳам “Қизилқум”ни бугун жамоамизга қарши икки баравар куч билан майдонга тушишга ундаган бўлса ажабмас. Учрашувни ёмон бошламадик. Ҳатто, тезкор гол ҳам киритдик. Одатда, бунақа вазият жамоага куч бағишлаши, ғалабага ундаши лозим. Аммо бугун бунинг аксини кўрдик, очиғи, рақибимиз бунга имкон бермади.

—Жамоамизда ички муҳит ёмон, дея олмайман. Футболчиларимизни ўзларини кўрсатишлари учун барча шарт-шароитлар етарли. Бугунги мағлубиятни қандай изоҳлашга ҳам ҳайронман. Қолаверса, футболда омад ҳам кўп нарсани белгилайди. Бухорода ҳам нақд ғалабани қўлдан чиқазгандик. Ҳимоя чизиғимизда муаммолар йўқ эмас, албатта. Бугун рақибимиз айнан ҳимояда йўл қўйилган хатолар эвазига жамоамизни жазолади.

—Аммо тушкунликка тушиш ярамайди. Олдинда яна тўртта учрашув кутиб турибди. Уларда максимал натижа қайд этиб, мухлисларимизни қувонтиришга ҳаракат қиламиз, албатта. Мавсум охирида кучли ўнликдан жой олишни мўлжаллаганмиз.

Зоир Тўрақулов: “Рақиб хатоларимиздан унумли фойдаланди”