Superliga-2022ni "Vodiy derbi"si boshlab beradi. Yaypandagi "O'zbekiston" stadionida "Neftchi" jamoasi "Qo'qon-1912"ni qabul qiladi.

Yangi mavsum oldidan Superliganing ayrim klublari haqida alohida maqola tayyorlashni lozim topdik. Demak, ushbu yo'ldagi dastlabki nishon - "Neftchi". Quyida ertaga yana Superliga doirasida maydonga tushadigan farg'onaliklar haqida o'qishingiz mumkin bo'ladi.

Superligaga tayyorgarlikning asosiy qismi Antaliyada bo'lib o'tdi

"Neftchi" jamoasi yangi mavsumga tayyorgarlik jarayonini 3 bosqichda olib bordi. Birinchi bosqichda jamoa Toshkentda yig'ildi va 6 yanvardan 17 yanvarga qadar "Chig'atoy" stadionida mashg'ulotlar olib bordi.

FOTO "Neftchi"ning 16 nafar futbolchi ishtirok etgan mashg'ulotidan GALEREYA

Bu orada "Buxoro" bilan bitta nazorat bahsi bo'lib o'tdi. Unda 2:0 hisobidagi g'alaba qo'lga kiritildi.

Nazorat o'yini. "Neftchi" "Buxoro"ni mag'lub etdi

Shundan so'ng Mo'minjonov shogirdlari 2-bosqich doirasida 20 yanvar kuni Turkiyaga uchib ketishdi. Antaliyadagi yig'in 10 fevralga qadar davom etdi. Aynan shu tayyorgarlikning asosiy qismi bo'ldi.

"Championat.asia" sayti ham ikki kishilik tarkib bilan Antaliyaga bordi. Shaxsan o'zim "Neftchi"ning "Maktaaral" (Qozog'iston) ga qarshi 1:1 hisobida yakunlangan uchrashuvini va 8 fevral kungi mashg'ulotini kuzatib bordim.

"Neftchi"ning Antaliyadagi o'rtoqlik o'yinlari

"Neftchi" - KF LLAPI (Kosovo) 1:1

"Neftchi" - "Maktaaral" (Qozog'iston) 1:1

"Neftchi" - "Shinnik" (Rossiya) 2:1

"Neftchi" - " Aksu" (Qozog'iston) 1:1

VIDEO "Neftchi"ning Turkiyadagi o'rtoqlik o'yiniga tashrif + Ilhom Mo'minjonov va Lutfulla To'raevdan intervyu

Nihoyat, tayyorgarlikning so'nggi bosqichi 14 fevraldan keyin Farg'onada o'tkazildi. Ushbu yig'in davomida farg'onaliklar "Turon"ga qarshi o'rtoqlik o'yini o'tkazishdi - 0:0.

"Neftchi" mavsumni o'z maydonida boshlay olmaydi. Sababi, "Istiqlol" stadioni ayni paytda to'liq tamirlanmoqda. Farg'ona viloyat hokimi Xayrulla Bozorov "Neftchi" stadioni va maysasini ajoyib ko'rinishga keltirib qo'yishni maqsad qilgan va shu yo'lda mehnat qilinmoqda. Bozorov Namangan hokimi bo'lgan vaqtlar Namangandagi "Markaziy" stadion maysasini zo'r holatga keltirib bergandi. Mana hozir Namangandagi stadion eng yaxshilaridan biri mamlakatimizda. Hozircha, "Neftchi" uy uchrashuvlarini Yaypandagi "O'zbekiston" stadionida o'tkazib turadi.

FOTO Farg'ona shahridagi "Istiqlol" stadionida tamirlash ishlari olib borilmoqda

"Neftchi"ning Superliga dastlabki 5 turidagi raqiblari

1-tur, 02.03.2022

"Neftchi" - "Qo'qon-1912"

2-tur, 10.03.2022

"Paxtakor" - "Neftchi"

3-tur, 18.03.2022

"Neftchi" - "So'g'diyona"

4-tur, 01.04.2022

"Qizilqum" - "Neftchi"

5-tur, 25.04.2022

"Neftchi" - "Bunyodkor"

Eng foydali "transfer" - Lutfulla To'raev

Ilhom Mo'minjonov qishki transfer oynasida o'yinchilarni saralab jalb qildi. Bir qarashda jamoaga yangi kelganlarni ko'pi foydali futbolchilar. Lekin, maqola muallifining fikricha, eng foydali "transfer" Lutfulla To'raev bo'ldi. To'raev o'z tajribasi bilan mashg'ulotlarda ham, o'yinda ham sheriklariga katta yordam beradi. Bosh murabbiy sardorlik bog'ichini ham aynan unga topshirdi. "Maktaaral"ga qarshi o'yinni kuzatdim va aytishim mumkinki, To'raev o'yinni boshqarmoqda, markazdagi nazoratni o'z qo'liga olmoqda. Uning tajribasi, o'yinni va jamoadoshlarini boshqara olishi farg'onaliklarga ko'p bor asqotishi aniq. Mo'minjonov bu "yurish" bilan "o'nlik nishon"ga urdi.

"Neftchi" jamoasining Coca Cola Superliga-2022 uchun O'zPFLda ro'yxatdan o'tkazgan futbolchilari

Darvozabonlar:

1. Mashhurjon Muhammadjonov, 21.02.1999

12. Shuhratillo Rahmonov, 14.07.1996

16. Shohrux Asqaraliev, 06.03.2004

45. Akbar To'raev, 27.08.1989

Himoyachilar:

2. Islomjon Akramov, 25.03.2003

3. Shohruxbek Yoqubjonov, 29.09.2003

4. Shodiyor Hojimatov, 09.10.1998

5. Martavali Turg'unov, 11.11.2004

19. Mirzohid G'ofurov, 22.08.1988

20. Anvarjon G'ofurov, 28.06.1995

21. Muhsinjon Ubaydullaev, 15.07.1994

22. Umar Adxamzoda, 04.04.1998

23. Asadbek Mo'minov, 22.07.2002

24. Rahmonjon Ro'ziev, 05.02.2002

28. Daniel Stoykovich (Serbiya), 14.08.1990

29. Afzalbek Zokirov, 19.02.2004

44. Darko Stanoevich (Serbiya), 12.04.1987

88. Doniyor Valiev, 14.09.2003

Adxam Urazaliev

Yarim himoyachilar:

6. Sirojiddin Qo'ziev, 01.09.1996

7. Oybek Qilichev, 17.01.1989

8. Sherzod Karimov, 26.01.1989

9. Sunnatilla Abdullajonov, 22.10.1996

10. Husniddin G'ofurov 29.07.1994

11. Izzatilla Abdullaev, 16.01.1996

13. Lutfulla To'raev, 30.03.1988

17. Abdulloh Olimov, 11.02.1993

30. Akobirjon Ahmadjonov, 16.03.2004

36. Islonbek Isomiddinov, 05.04.2001

47. Muhammadkamron Ergashev, 29.05.2004

55. Azamat Tolibjonov, 18.02.2004

61. Hojiakbar Ibrohimov, 02.02.2002

65. Sardorbek Muhammadjonov, 13.05.2003

66. Shohjahon Bahodirov, 10.12.2002

70. Abbosjon G'ulomov, 05.07.1998

71. Doniyorjon Narzullaev, 11.04.1995

76. Faxriddin Muhammadov, 30.09.2004

77. Abrorbek Ismoilov, 08.01.1998

80. Aleksandar Eshich (Serbiya), 13.09.1994

91. Musomalik Rustamov, 09.06.2002

Hujumchilar:

18. Azizbek Olimov, 24.07.2002

25. Doniyor Madaminov, 25.04.2001

27. Muhammad Ali Olimov, 15.12.2002

31. Marko Sarich (Serbiya), 28.11.1998

46. Shahzodbek Ubaydullaev, 02.03.1998

99. Ulug'bek Hoshimov, 03.01.2001

Ilhom Mo'minjonov "Neftchi"ni sovrinli o'rinlar uchun etaklay oladimi?

Antaliyadagi o'rtoqlik o'yiniga borganimizda Mo'minjonovdan intervyu olgandim va unda jamoa maqsadi haqida so'ragandim.

Ilhom Mo'minjonov: "Chempionlik? Nega endi yo'q. Birinchi turda "Navbahor"ga qarshi o'ynashni xohlaymiz!"

Mutaxassis chempionlik bo'lmasa ham degan gapimga - "Nega endi yo'q", - deb javob bergandi. Yani, sovrin uchun ham kurashib ko'ramiz degandek qilgandi. Lekin, tan olish kerak o'zbek futbolining shonli tarixga ega jamoasi 3 yillik tanaffusdan so'ng elitaga qaytdi va darhol chempionlik uchun kurashishi juda qiyin. Tarkib jihatidan ham jamoa ayrim klublarimiz bilan raqobatlasha olmaydi. Nazarimda, "Neftchi" yangi mavsumda sovrinli o'rinlar uchun kurasha oladi, ammo bu oson ish emas. "Paxtakor", "Nasaf", "Navbahor", AGMK, "So'g'diyona" kabi jamoalar bilan raqobat qilishga to'g'ri keladi. Anchagina transferlarga qo'l urgan "Qizilqum" ham bor.

Mo'minjonov jamoalari doim himoyaga alohida etibor qaratgan va nisbatan kamroq gol o'tkazadi. Bu holat "Neftchi"da ham kuzatilishi tayin. O'tgan yil Pro ligada ham uning shogirdlari eng kam gol o'tkazgan va eng ko'p gol urgan jamoa bo'lishgandi. Superligada ham himoyaga etibor kuchli bo'ladi, ushbu mutaxassisda har ikkala qanot himoyachilari bir vaqtda oldinga hujumga o'tib ketmaydi, orqada albatta kimlardir qoladi. Bu esa raqib qarshi hujumga qochib ketmoqchi bo'lgan taqdirda ham ularga katta bo'sh xudud berib qo'yishning oldini oladi. Aynan kamroq gol o'tkazish evaziga jamoa kuchli raqiblarga raqobat qilishga harakat qiladi.

Ertaga "Qo'qon-1912"ga qarshi bellashuvda "Neftchi"ning imkoniyatlari yuqori. Tarkib bo'yicha ham ular ertangi raqiblaridan kuchliroq. Yaypandagi stadion muxlislar bilan liq to'lishi shubhasiz. Zero, farg'onalik ishqibozlar Superliga o'yinlarini juda sog'inishgan. Bu mavsum har bir uchrashuv ular uchun bayramdek o'tadi. "Neftchi" yaqin yillarda yana top darajaga chiqishi va chempionlik uchun real kurashishni boshlashini tilab qolamiz! Salomat bo'ling!

3 yildan so'ng Superligaga qaytgan "Neftchi". Mo'minjonov jamoani sovrinli o'rinlar uchun etaklay oladimi? Farg'onaliklarning "zayavka"si