- Abramov & Qosimov qarama-qarshiligida hozircha 6 g'alaba Qosimov tomonida, siz esa faqat bir bor g'alaba qozongansiz. Bunga qanday munosabat bildirasiz?

- Demak Qosimovni tabriklash kerak. Yaqinda rekord qo'yadi. Bu statistikani qaerdan olishlarini bilmayman. Mayli, shunday bo'laqolsin. Hech qanday muammo yo'q. Bilishimcha, statistikani katta qismi men "Neftchi"ni boshqargan paytimga to'g'ri keladi. O'shanda adashmasam kubok va chempionatda o'ynagandik. Deyarli 3 g'alaba bo'ldi. Joriy yil Liga Kubogida o'ynadik, yana bir g'alaba. Va chempionatda. Shunda 5-1 bo'lyaptimi? Bunga qadar hech boshqa o'ynamagan ekanmizda? Balki eslaridan chiqib qolgandir.

- O'zbekiston Superkubogida ham to'qnash kelgansizlar va Qosimov yutgan...

- Eslolmayapman. "Lokomotiv" meni boshqaruvimda Superkubokda o'ynaganmi? Xotiram yanglishmayotgan bo'lsa, men "Paxtakor" bilan Superkubokda o'ynaganman. Yana qandaydir o'yin bo'lgandir balki, men bilmadim.

P.S. Vadim Abramov "Lokomotiv" boshqaruvida 2014 yilgi mavsum avvalida "Bunyodkor" bilan Superkubokda to'qnash kelgan va o'shanda Qosimov boshchiligidagi "qaldirg'ochlar" "temiryo'lchilar"ni mag'lub etgandi.

Qosimov va Abramov qarama-qarshiligida mazkur mutaxassislar jami 7 marotaba to'qnash kelishgan va unda 6 g'alaba Qosimovga tegishli bo'lsa, bir yutuqni Abramov qo'lga kiritgan.

Mirjalol Qosimov "Bunyodkor" rulida Abramov boshqaruvidagi "Loko"ni, keyinchalik ikki bor "Neftchi"ni mag'lub etgan. Joriy mavsumda esa AGMK boshqaruvida Abramov boshchilik qilayotgan "Bunyodkor"ni har uchala musobaqa - Superliga, Liga Kubogi va O'zbekiston kubogida dog'da qoldirdi. Vadim Abramov esa Mirjalol Qosimovni birinchi davrada "Bunyodkor" bilan AGMKni Olmaliqda o'tgan bahsda mag'lub etgandi.

Abramov O'zbekiston Superkubogida Qosimovga yutqazganini eslay olmadi