Бунга қадар ушбу мутахассислар Ўзбекистон чемпионати, Ўзбекистон Кубоги, Суперкубок ҳамда Лига Кубоги доирасидаги баҳсларда беллашишган. Мазкур қарама-қаршиликда яққол устунлик АГМК устози Миржалол Қосимов тарафида.

Миржалол Қосимов Вадим Абрамов бошқарган “Локомотив”, “Нефтчи” ҳамда “Бунёдкор” жамоаларини барча мусобақаларда жами 5 маротаба мағлуб этишни уддалаган. Вадим Абрамов эса фақатгина бир маротаба Қосимов устидан ғалаба қозонган.

“Бунёдкор” — АГМК ўртасидаги бугунги бўлажак ўйин ушбу мутахассисларнинг ўзаро 7-баҳсига айланади.

Эътиборли тарафи, АГМК ўз тарихида ҳали ҳеч қачон "Бунёдкор"ни Тошкентда мағлуб этмаган. Жорий мавсум эса "Бунёдкор" ҳали ўз майдонида мағлубиятга учрагани йўқ. Бугун ҳам "Бунёдкор"нинг мазкур ёқимли анъанаси давом этадими ёки Қосимов бошқарувидаги АГМК нохуш серияга барҳам берадими, деган саволларга соат 17:30да бошланадиган ўйин орқали жавоб оламиз.

Абрамов ва Қосимов қарама-қаршилигида ким устун?