Bu savol o'zbekistonlik futbol muxlislariga ham qiziq. Boisi hamyurtimiz Odil Ahmedov o'zining ko'p yillik orzusi bo'lgan Evropa Chempionlar Ligasida to'p tepish uchun joriy mavsum juda ham yaqin turibdi. Ularning baxtiga "Dinamo" Grozniyda "Terek"ni mag'lubiyatga uchrata olmadi.

Keling, qolgan 6ta o'yindagi taqvimga nazar tashlaymiz.
"Krasnodar" keyingi olti turda quyidagi raqiblarga qarshi maydonga chiqadi:
24 aprel. "Krasnodar" - "Lokomotiv" (7)
4 may. "Arsenal" (14) - "Krasnodar"
11 may. "Krasnodar" - "Amkar" (16)
17 may. "Krasnodar" - "Torpedo" (15)
24 may. "Krasnodar" - "Rostov" (12)
30 may. "Dinamo" (4) - "Krasnodar"

Leonid Sluckiy jamoasining raqiblari bilan tanishing:
25 aprel. "Torpedo" (15) - CSKA
4 may. CSKA - "Ural" (11)
10 may. "Lokomotiv" (7) - CSKA
17 may. "Spartak" (6) - CSKA
25 may. CSKA - "Rubin" (5)
30 may. "Rostov" (12) - CSKA

CSKAning "Kuban"ga qarshi o'yini ham bor. Jamoa 29 aprel kuni Rossiya Kubogi 1/2 final uchrashuvi doirasidagi o'yinini o'tkazadi.

"Dinamo"ning zaxirasida bitta o'yin bor.
26 aprel. "Rostov" (12) - "Dinamo"
30 aprel. "Amkar" (16) - "Dinamo"
3 may. "Kuban" (8) - "Dinamo"
10 may. "Dinamo" - "Torpedo" (15)
18 may. "Ural" (11) - "Dinamo"
24 may. "Dinamo" - "Arsenal" (14)
30 may. "Dinamo" - "Krasnodar" (2)

"Krasnodar" qolgan 6ta o'yindan 4tasini o'z maydonida qabul qiladi. Agar jamoa ochko olishda davom etsa hamda "Dinamo" taqib qilaversa, unday holda 30 may kuni bo'lib o'tadigan 30-tur ECHL taqdirini hal qiladi. Aynan shu kuni Moskvada "Dinamo" Odil Ahmedov va uning jamoasini o'z maydonida qabul qiladi.

CSKAning qiyin o'yinlari hali oldinda. "Lokomotiv" va "Spartak"ka qarshi Moskva derbisi. Kamiga "Rubin" bor. "Dinamo" esa 4ta o'yinni safarda o'tkazadi. Bitta qoldirilgan uchrashuv bilan hisoblaganda Lev Yashin izdoshlari ettita o'yin o'tkazishlari kerak.

Albatta, biz Odil Ahmedovni ECHLda ko'rishni istaymiz, buni krasnodarliklar ham juda istashyapti. Qolganini vaqt ko'rsatadi, vaqt esa oz qolgan.

Nodirxo'ja Yuldashev

Ahmedov va "Krasnodar" ECHLga chiqa oladimi?