- Siz to'p tepayotgan "Ordabasi" o'tkan yili mavsumni beshinchi o'rinda tugatgan edi, bugun esa favoritlar qatoridasizlar...
- Boisi 2014 yilgi tarkib saqlangan holda, ayrim nuqtalar kuchaytirilgan. Barcha nuqtalarda raqobat kuchli, shuning uchun bo'lsa kerak natija ham bo'lyapti. Murabbiyimizda ham gap katta.

- Hozircha chempionatni mag'lubiyatsiz davom ettirayapsizlar. Lekin duranglar ko'payib ketgandek...
- Bunga o'zimiz aybdormiz. Bazida g'alabani ushlab qola olmayapmiz, bazida esa gol urolmadik.

- Bir necha o'yindan keyin bu klubdagi ilk golingizni ham urdingiz, "Okjetpes" bilan o'yinda esa jamoangizga g'alaba keltirdingiz...
- Men uchun bu muhim emas, muhimi jamoa yutsin va men o'sha o'yinga o'z hissamni qo'shay.

- "Lokomotiv"ning sobiq futbolchisi sifatida, ularning OCHLdagi o'yiniga nima deya olasiz?
- Jamoa OCHL guruh bosqichida ilk marotaba o'ynaganligi uchun hech nima kutmagan edim. Shunday ekan katta sovrinlar haqida o'ylashga erta deb o'ylayman.

- Qozog'iston nashrlarida pasportingiz bilan muammo bo'lganligi haqida o'qidik, nima bo'lgan edi?
- Registraciya muddatim o'tib ketgan ekan. Hozir hammasi joyida.

- Chimkent Toshkentdan uncha uzoq bo'lmagan shahar, huddi O'zbekistonda yurgandek bo'lyapsizmi?
- Chimkentda o'zimni yaxshi his qilyapman. O'zbeklar ko'pligi va ularni menga bo'lgan munosabatlari kishini quvontiradi. Albatta boshqa davlatda ham senga ishqibozlik qiladigan kishilarning borligi yoqimli.

- Nima uchundir "Ordabasi"ning saytida siz yarim himoyachi sifatida qayd etilgansiz?
- Hujum ortida to'p tepyapman, yani ikkinchi hujumchi rolida.

- Bugun "Paxtakor" - "Neftchi" qarama-qarshiligi bo'lib o'tadi. Chempionatimizning yuqori o'rinlaridagi tafovut ham kamaygan. "Neftchi" - "Paxtakor" o'rtasidagi qaysi o'yinlar ichidagi eng esda qolarlisi yodingizdami?
- "Paxtakor" sharafini himoya qilganimda "Neftchi" biz uchun umuman boshqa jamoa edi. Ularga qarshi barcha o'yin qiziq kechgan. Ayniqsa Farg'onada qiyin bo'lardi. Albatta men futbolchi sifatida, "Neftchi"ni yana avvalgi o'rinlariga qaytayotganidan xursandman.

Nodirxo'ja Yuldashev suhbatlashdi

Aleksandr Geynrix: "Neftchi" uchun xursandman"