Uchrashuvdan so'ng ananaviy matbuot anjumani bo'lib o'tdi. Anjumanning birinchi qismida mehmon jamoa murabbiyi Amet Mamet ishtirok etdi va jurnalistlar savollariga javob berdi.

Amet Mamet: "Menimcha bugun "Nasaf" jamoasi bo'lib o'tgan muvaffaqiyatsiz o'yinlardan so'ng o'zining eng chiroyli o'yinlaridan birini o'tkazdi. O'z o'rnida haqli g'alabaga erishdi, jamoani bugungi g'alaba bilan tabriklayman. Ammo men bugun uchrashuvdagi hakamlar ishidan umuman qoniqmadim. Bugungi chetlatishda ham shunga tortadigan vaziyat yo'q edi, qolaversa jamoamiz zahirasida o'yinni kuchaytira oladigan o'yinchilar ham yo'q edi. Jamoamiz bitta o'yinchi kam bo'lib qolgandan so'ng, ikkinchi golni ham o'tkazib yubordik. Albatta Kovalenkodek referilar tajribali hisoblanishadi, ammo bugun u go'yoki bizning jamoamiz o'yinchilarini ko'proq jazolagandek bo'ldi. "Nasaf" o'yinchilariga ham sariq kartochka ko'rsatadigan vaziyatlar ko'p bo'ldi, lekin ularni negadir u ayadi. Shunday bo'lsada, o'yin juda shiddatli bo'ldi, "Nasaf"ning g'alabasi bilan yana bir marta tabriklayman".

- Biz "Neftchi" jamoasini va sizni yaxshi mutaxasis sifatida juda hurmat qilamiz. Ammo bugun o'yinchilaringiz juda qupol o'ynashdi, bu vaziyatlarni biz Sarkisyan davrida ko'rmaganmiz

- Sizni fikringizga to'liq qo'shilmayman, "Nasaf" jamoasi o'yinchilari tomonidan ham shunday qupolliklar bo'ldi, ammo hakam ularni jazolamadi. Bugun "Nasaf"ga g'alaba kerak edi ular o'z maqsadiga erishdilar. Bu bilan ularni yana tabriklayman. Jamoamiz tarkibida esa kamchiliklar bor, buning ustida hali ishlar olib boramiz.

- Siz kuchli mutaxasis sifatida Ro'ziqul Berdiev ishlariga qanday baho berasiz?

- Albatta Ro'ziqul Berdiev juda kuchli mutaxasislar bilan ishlab, etarli tajriba ortirgani ko'rinib turibdi. Men shaxsan bungacha bo'lgan o'yinlarni ko'rib chiqdim. Tarkibda paydo bo'lgan muammolar o'tgan o'yinlarni kerakli natijalar bilan yakunlashga tusqinlik qildi, albatta. Berdiev qo'l ostida yo'qotishlar bo'lmaganida katta muvaffaqiyatga erishardi deb o'ylayman. Lekin hayot davom etadi, hozirgi shakllangan jamoangizning kelajagi porloq deb hisoblayman, jamoaga qabul qilingan o'yinchilardan ko'p narsa kutish mumkin. Umumiy qilib aytganda "Nasaf" jamoasi kelasi mavsumda ham eng katta sovrinlar uchun kurashadigan jamoa bo'ladi. Ro'ziqul Berdievning ham kelajagi porloq mutaxasis deb o'ylayman, ko'rinib turibdiki u to'g'ri yo'ldan ketmoqda.

Matbuot anjumani haqidagi hisobot "Nasaf" PFK matbuot xizmati yordamida tayyorlandi.

Amet Memet: "Uchrashuvdagi hakamlikdan qoniqmadim"