O'yin haqida

- O'yin derbiga xos ruhda o'tdi. "Andijon" jamoasini g'alaba bilan tabriklayman. "Andijon" futbolchisi chetlatilishidan avval shogirdlarim diqqatni jamlab o'ynayotgandi, raqib 10 kishi bo'lib qolgach, xotirjamlikka berildik va ikkinchi golni o'tkazib yubordik. Undan avvalroq Humoyun Murtazoevda yaxshi imkoniyat bo'lgandi. "Sen urmasang, senga urishadi" deganlari bor gap.

- Raqib futbolchisining chetlatilishi sizning jamoangizni salbiy tasir ko'rsatmadimi?

- Yo'q, aksincha bizda ko'proq vaziyat uyushtirishga zamin yaratdi. "Andijon" standart vaziyatlardan unumli foydalandi. Shunchaki xotirjamlikka berilish oqibatida jazolandik.

- Bugungi o'yinni murabbiylik faoliyatiningizdagi eng og'ir mag'lubiyat sifatida qabul qilasizmi?

- Har bir mag'lubiyat murabbiyga og'ir alam qiladi. Chunki g'alaba qo'lga kiritilganda jamoaniki, mag'lubiyat bo'lsa murabbiyniki.

- Qanotlardan asosan bir xil tarzda havodan uzatma orqali o'yin tashkil etildi, bu ko'p ham samar bermadi...

- Mashg'ulotlar jarayonida buning ustida ko'p ishlagandik, bilmadim, bugun shogirdlarimga hayajon xalal berdi shekilli. Xato qilishdan qo'rqib o'yin namoyish etishdi. O'yinni tahlil qilamiz.

Anvar Berdiev: "G'alaba jamoaniki, mag'lubiyat esa murabbiyniki"