Чили терма жамоаси аъзоси 19 ёшли ҳужумчимиз "АИК" клубига қарши баҳсда жароҳат олган Нанининг ўрнига майдонга туширилди ва иккинчи бўлимда жамоамиз ягона голига муаллифлик қилди.

Энрикес ўйиндан сўнг жуда бахтиёр эди ва ўйин борасида фикрларини билдириб, қўлидан келганича маҳоратини ишга солишга ҳаракат қилишини айтди.

"Биринчи жамоа таркибида ҳаракат қилиб ўз номимга гол ёздириб қўйиш, бу мен учун буюк онлар бўлди" - дейди Энрикес клуб расмий сайтига берган интервюсида.

"Биринчи жамоа билан биргаликда машғулот ва бирга вақт ўтказиш бу фантастика. Мен улардан кўп нарса ўрганмоқдаман".

Энрикес шунингдек ҳали Давид Мойес билан "Олд траффорд"да қоладими ёки бўлмаса ўтган мавсумнинг иккинчи қисмида "Уиган" клубида тўп сургани каби ижарада тўп сурадими бу тўғрисида ҳали гаплашиб кўрмаганлигини айтди.

Чилилик ҳужумчи ўтаётган дақиқанинг ҳар бир онидан лаззат олаётганини ва Англия Суперкубоги учун "Уиган"га қарши кечадигон баҳс у учун муҳим аҳамиятга эканлигини таъкидлади.

"Уиган" менинг қалбимда муҳим жой олган ва бу учрашув мен учун муҳим аҳамиятга эга. Мен учрашувни интиқлик билан кутмоқдаман ва умид қиламанки биз керакли натижани қўлга кирита оламиз" - дея қўшимча қилди.

"Менинг "Уиган" клубида ўтказган вақтларим менинг фойдамга хизмат қилди. Мен катта тажриба тўпладим ва биринчи жамоанинг бошланғич таркибда муҳим Премьер Лига ҳамда Англия Кубоги баҳсларида майдонга тушиш нима эканлигини ҳис қилдим. Энг асосийси, мен Премьер Лига дунёдаги энг яхши чемпионатлардан бири эканлигини билдим. Бу ерда ҳар бир учрашувда майдонда бор кучингни бериб ҳаракат қилишинг зарур".

"Мен олдинга қараб боришни хоҳлайман, бунинг учун машғулотларда мен қўлимдан келганича иштирок этиб боришим зарур" - дейди Энрикес.

Жавлонбек Юсупов таржимаси

Анхело Энрикес: "Мен олдинга қараб боришни хоҳлайман"