"Бизни жиддий имтиҳон кутиб турибди. Тайёргарлик учун унча кўп вақтимиз йўқ эди, чунки 1 ҳафта ичида 3 та ўйин ўтказишимиз керак. "Бешиктош", кейин "Эвертон", ундан сўнг "Бешиктош"га қарши жавоб ўйини. Ҳар бир ғалаба сени кучлироқ қилади ва ўз кучинга ишонишни бошлайсан. Менинг жамоам эса ўсиши керак.

Ҳар бир ўйин бошқасидан фарқ қилади. Турк жамоасини унинг майдонида ютиш доимо қийин, аммо "Бешиктош" билан учрашувда ўзимизнинг энг яхши ўйинимизни намоиш этмоқчимиз. "Бешиктош" олдинги айланади "Фейеноорд" билан ўйинда ўзини яхши кўрсатди. Бизни нима кутаётганини билиб турибмиз ва Истамбулда яхши натижага эришмоқчимиз.

Ўтган мавсум "Фенербахче"ни ютиб Чемпионлар Лигасини ажойиб бошлаганмиз. Ўшанда ғалабага бўлган хоҳишимизни яхши намоиш этгандик ва ҳозир у бизга яна керак.

Чемпионлар Лигасида катта тажрибага эга бўлдим. Осмонларда учиб юрмай ҳолатга реал қараш кераклигини биламан. Аввало Чемпионлар Лигасида ўйнаш учун ҳуқуқни қўлга киритиш керак. Олдимизда иккита қийин ўйин турибди.

Шунинг учун келинг узоққа қарамаймиз. Биз "Бешиктош" билан икки учрашувда ҳам яхши ўйин кўрсатишимиз керак" - дейди француз.

Эслатиб ўтамиз, "Бешиктош" ва "Арсенал" ўртасидаги ўйин бугун Тошкент вақти билан 23:45да бошланади. Ўзбекистон МТРКнинг Спорт телеканали бу учрашувни тўғридан-тўғри олиб бермайди.

Арсен Венгер: "Турк жамоасини унинг майдонида ютиш доимо қийин"