Arsenal – Kristal Pelas 2:1
16 avgust, 21.30, Emireyts
Gollar: 0:1 – 35 Xangeland, 1:1 – 45 Koselni, 2:1 - 90 Remzi.
Arsenal – Shchensni, Debyushi, Koselni, Chembers, Gibbs (Monreal, 53), Kasorla, Arteta, Sanches, Uilsher (Chemberlen, 70), Remzi, Sanogo (Jiru, 62).
Kristal Pelas – Speroni, Uord, Xangeland, Kelli, Denn (Dileyni, 76), Panchon, Edinak, Bolazi (Okiffe, 90+1), Ledli, F. Kempbell (Geyl, 85), Shamax.
Ogohlantirishlar: Chembers (44), Panchon (48), Kasorla (60), Shamax (68)
Chetlatish: Panchon 88

MATNLI TRANSLYACIYA
YANGILASH

Ushbu bahsni sizlar bilan birga Narzulla kuzatib bordi. Navbatdagi o'yinlarda g'oyibona uchrashguncha.

90+5. O'yin tugadi. "Arsenal" o'zi uchun juda qiyin o'tgan o'yinda g'alaba qozondi. "Kristal Pelas" esa bu o'yini bilan durangga loyiq edi.

90+4. Shamax burchak to'pini ishlab oldi. Mehmonlarda so'nggi imkoniyat. Burchak to'pidan so'ng Shamax Shchensniga qarshi xavfli o'ynadi

90+2. Chemberlen-Koselni-Jiru-Debyushi kombinaciyasidan so'ng Mate to'pni darvozaga yo'lladi, darvozabondan qaytgan to'pni Remzi darvozaga joylab qo'ydi - 2:1.

90+1. GOOOOOOOOOOOOOOOL! 2:1. Remzi!

90. O'zgarish. "Kristal Pelas". Bolazi o'rniga Okiffe tushdi

89. So'nggi daqiqalarni mehmonlar 10 kishi bo'lib o'tkazishadi.

87. Chetlatish! "Kristal Pelas". Panchon ikkinchi bor ogohlantirildi

86. O'yin qiziqarli tus olishni boshladi. Ikkala jamoa imkon bo'lsa gol urib olishni istamoqda.

85. O'zgarish. "Kristal Pelas". Kempbell o'rniga Geyl tushdi

85. Bahs tugashiga 5 daqiqa qoldi

84. ZARBAAAAAA! Jiruning o'tkir burchakdan yo'llagan zarbasi uzoq ustun yonidan o'tib ketdi!

82. Sharh boshida aytganimizdek bu mavsumda hozircha mezbon jamoa g'alaba qozona olmayapti

80. Mehmonlarni tabiiyki ushbu natija qoniqtiradi. "Arsenal" esa gol urish yo'llarini izlamoqda

79. Aleksis Sanches chap qanotdan oldinga o'tdi. To'pni yana bir bora jarima maydoniga o'ta kuchli tarzda oshirdi. Unga nimalar bo'lmoqda?

78. Sanches jarima to'pini amalga oshirdi. Juda noaniq

76. Monrealning chap qanotdan oshirgan to'piga labbay deydigan odam topilmadi

74. O'zgarish. "Kristal Pelas". Denn o'rniga Dileyni tushdi

73. Sanchesning jarima maydoniga oshirgan to'piga Jiru eta olmadi.

72. Remzining 23 metrlardan yo'llagan zarbasi to'ppa to'g'ri Speronining qo'liga borib tushdi

71. Mezbonlar katta kuch bilan hujumga o'tishdi, raqib bazo'r to'pni qaytarib yubormoqda

70. O'zgarish. "Arsenal". Uilsher o'rniga Chemberlen tushdi

69. Sanches jarima maydoni tashqarisidan to'pni erlatib darvozaga yo'lladi, kuchsiz chiqqan zarbadan so'ng to'pni posbon egallab oldi

68. Ogohlantirish. "Kristal Pelas". Shamax

66. Uilsher to'pni jarima maydoniga havolatib oshirdi, bu erda kichkinagina Kasorla boshi bilan to'pga eta olmadi

65. Aleksis Sanches hali Angliya chempionatiga ko'nib keta olmagan ko'rinadi. Raqibga to'pni oldirib qo'ydi va qoida buzib uni to'xtatdi

64. Kasorlaning pasi ajoyib chiqdi, Monreal to'pga eta olmadi. Burchak to'pi naf keltirmadi

63. "Arsenal" futbolchilari kim ko'proq xato qilish bo'yicha garov bog'lashganmi nima balo?

61. Xangeland ham xato qilarkan. Himoyadagi xato sal qolsa qimmatga tushardi. Uilsher to'pga ulgurmadi

60. O'zgarish. "Arsenal". Sanogo o'rniga Jiru tushdi

59. Ogohlantirish. "Arsenal". Kasorla

58. Sanches burchak to'pini amalga oshirdi, himoyachilar to'pni qaytarishdi. Shamax o'z sobiq klubiga qarshi ancha faol o'ynamoqda

56. Jeyson Panchon jarima maydoni tashqarisidan yo'llagan zarbasi himoyachiga tegib qaytdi. keyingi vaziyatda Shamaxning pasidan so'ng yana o'sha Panchon zarba berdi. Bu safar Shchensni to'pni ushlab oldi

54. Maydonda hech qanday etiborli vaziyat bo'layotgani yo'q. To'p uyoqdan buyoqqa uchib yuribdi...

52. O'zgarish. "Arsenal". Gibbs o'rniga Monreal tushdi

51. Endi Uilsher to'pni sheriklariga oshirishda xatoga yo'l qo'ydi, kichik detallar hujumga halal bermoqda

50. Sanogo ajoyib o'ynadi va hujum boshladi. Kasorla esa yana bir bor hujumni buzib qo'ydi

49. Mehmonlar ikkinchi bo'limni hujumkor tarzda boshlashdi. Tab tortmay oldinga o'tishmoqda

48. Ogohlantirish. "Kristal Pelas". Panchon

47. Mehmonlar burchak to'pini amalga oshirishdi, to'p yo'qotildi va "Arsenal" qarshi hujumga o'tdi. Kasorla to'pni yo'qotdi

46. Ikkinchi bo'lim boshlandi

46. Tanaffus vaqtida muzdekkina tarvuz eganlarga salomlar. Bundaylar bormi o'zi?

45+2. Birinchi bo'lim yakunlandi. Hozircha 1:1. Tanaffus. Har doimgidek uxlab qolish yo'q

45+1. Kasorla jarima to'pini amalga oshirdi, raqib jarima maydoniga borgan Loran Koselni boshi bilan gol urdi - 1:1. Hozircha faqat himoyachilar gol urishmoqda

45. GOOOOOOOOOOOOOL! 1:1. Koselni

43. Ogohlantirish. "Arsenal". Kallum Chembers. Uni FIFA.UZda olgan barchaga salomlar)

42. Sharhlovchi "Arsenal"da o'yin yo'q demoqda. Nimayam derdik demak o'yin yo'q

41. Hakamlar spreydan foydalanishni hali u qadar yaxshi o'rganishmagani ko'rinib qoldi. Sal qolsa Kasorlaning yuzi oppoq bo'lardi)

39. Venger qoshini chimirib olib hakamni tanqid qilmoqda, o'z shogirdlaring yomon o'ynasa hakamda nima ayb? deydigan odam yo'q

38. Remzining jarima maydoni tashqarisidan yo'llagan zarbasi Sanchesga tegib qaytdi

38. Mehmon jamoa himoyachilari havo kurashlarida bo'sh kelishayotgani yo'q

37. Kasorlaning chap og'ida yo'llagan zarbasi himoyachilarga tegib maydondan chiqib ketdi. Uning o'zi burchak to'pini amalga oshiradi

34. Burchak to'pidan uzatilgan to'pni Brede Xangeland boshi bilan darvozaga yo'lladi - 0:1. Mana sizga himoyalanayotgan "Kristal Pelas"

34. GOOOOOOOOOOOOOL! 0:1. Xangeland

33. Xavfli vaziyat!!! Shchensni to'pni jarima maydonini tark etib qaytarib yubordi. Shamax to'pni to'g'ri darvozaga yo'lladi. Koselni bu vaziyatda o'zini ko'rsatib to'pni qaytardi.

32. "Arsenal" 90 foiz hujumlarni o'ng qanotdan tashkil qilmoqda

31. "Kristal Pelas"ning himoyachisi Kellining zarbasi o'xshamadi.

30. Burchak to'pidan so'ng Aleksis Sanches darvozaga noaniq zarba yo'lladi

29. Mana zarba! Ilk xavfli vaziyat! Uilsherning 20 metrlardan yo'llagan zarbasidan so'ng Speroni to'pni qaytardi!

29. "Arsenal" futbolchilari hujum vaqtida bir birlarini u qadar yaxshi tushunishmayapti, xatolar juda ko'p.

28. Hozirgi vaqtga qadar to'pga egalik qilish bo'yicha ko'rsatkich: 74:26 %

27. Yaya Sanogo to'pni raqibdan olib qo'ydi va jarima maydoni tashqarisidan zarba berdi, noaniq

25. "Arsenal" yarim maydonida bazi vaziyatlarda faqat darvozabon va Koselni qolmoqda

24. Remzi boshini ushlab maydonda yotibdi, hakam uni holidan xabar oldi. Hammasi joyida o'yin davom etadi

22. O'yin tempi yuqori, lekin keskin hujumlar, zarbalar yo'q...

20. Qizil galstuk taqqan Arsen Venger asabiy holatda o'rnidan turib shogirdlariga etiroz bildirmoqda.

17. Ikkala jamoa azolari markazda oddiy holatlarda to'pni oldirib qo'yishmoqda. O'zbeklarga o'xshab "qani, qani, qani" deyishmoqda

16. Sanchesning zarbaga o'xshagan zarbasi noaniq ketdi

16. Burchak to'pidan so'ng O'zbekistonga gol urgan Yaya Sanogo darvozaga zarba bera olmadi. Franciya yoshlar safida Turkiyada Asilbek Omonovga gol urgan bu yigit

15. Bu London, "Emireyts" stadioni. Bu erda jonli to'lqin bo'lmasa kerak. Shu bois qo'shnim To'lqin akaga tezda salom yo'llab olaman.

14. Kasorla to'pni nozik harakat bilan Remziga oshirdi, noziklik ham o'ta nozik bo'lgani yo'q.

13. "Kristal Pelas"ning dastlabki hujumi. Qanotdan jarima maydoniga oshirilgan to'p to'g'ri Shchensniga bordi

11. Arteta Kempbellni maydon markazida yiqitdi. Aks holda tezkor qarshi hujum bo'lardi

10. Debyushi o'ng qanotdan to'pni jarima maydoniga uzatdi, bu erda himoyachilar to'pni "qah-qah urib kutib olishdi"

9. "Kristal Pelas" safida Maruan Shamax faol o'ynamoqda. Sheriklari unga yordam berib tura olishmayapti

8. Avgustda dam olgan barchaga salomlar! Yaxshi dam mehnatga hamdam deyishadi

7. Remzi hozir raqib jarima maydoni ichida yiqilib tushdi, hakam "tur o'rningdan" dediyov

6. Tashabbus "Arsenal"da, mehmonlar katta kuch bilan himoyalanmoqda

5. Toshkentda allaqachon tun. Londonda esa quyosh charaqlab yotibdi, Istanbulda ob-havo qanday kim biladi?

4. Remzi to'pni o'ng qanotdan oldinga o'tgan Debyushiga uzatdi, noaniq.

3. Sanches ancha faol, uni markazda Xangeland yiqitishga majbur bo'ldi

2. "Arsenal"ning o'ng qanoti hujum qildi. Aleksis Sanches va Debyushi bu vaziyatda himoyachilarni qiynashdi. Ammo Debyushining pasi noaniq chiqdi

1. Jamoalardan bugun "ossim" (ajoyib) o'yin kutib qolamiz

- Haligi nima ediya? Ha qani kettik! O'yin boshlandi

- Bugun bo'lib o'tgan oltita o'yinning hech birida maydon egalari g'alaba qozona olmadi! "Arsenal" bu mavsum o'z uyida g'alaba qozongan ilk jamoa bo'larmikin? Kuzatamiz.

- O'tgan hafta "Arsenal" Angliya Superkubogini qo'lga kiritdi. "Kristal Pelas" esa kuni kecha o'z bosh murabbiyi Toni Pyulis ayrildi. Murabbiy rahbariyat bilan kelisha olmay istefoga chiqarildi.

- Ushbu o'yinni sizlar bilan birga Narzulla Saydullaev kuzatib boradi. Zeriktirmaslikka harakat qilamiz)

- Angliya futbol muxlislariga alangali salomlar! Yangi mavsum boshlangani bilan sizlarni tabriklaymiz!

- Bahs soat 21:30da start oladi.

"Arsenal" - "Kristal Pelas" 2:1. Matnli translyaciya