"Aral Samali"ni g'alaba bilan tabriklayman. Futbolchilar ishtiyoq evaziga g'alaba qozonishdi deya olaman. Deylik, ular umuman vaziyat yaratgani yo'q. Bitta holatda penalti ishladi va bundan foydalana oldi. Biz esa imkoniyatlarimizdan foydalana olmadik. Bu biz uchun sharmandali mag'lubiyat hisoblanadi. Bugungi o'yinimizdan kelib chiqib aytadigan bo'lsak, biz yuqori o'rinlar uchun kurashadigan jamoa emasligimizni muxlislar oldida ko'rsatib qo'ydik", – dedi Aliqulov.

- Jamoaning asosiy maqsadi qanday?

- Birinchi maqsad kuchli beshlikka kirish edi. Bugun raqib birorta vaziyatga ega bo'lgani yo'q. Lekin himoyada juda qattiq harakat qilishdi. Ishtiyoq balandligi ko'zga tashlandi. Biz esa vaziyatlardan foydalana olmadik va mag'lubiyatni qabul qilib oldik. Aslida o'yinga yaxshi tayyorgarlik ko'rgandik.

- "Sho'rtan" birinchi davrada "Aral Samali"ni o'z maydonida 6:0 hisobida mag'lub qilgandi. Bugungi natijadan kelib chiqib aytadigan bo'lsak, jamoada nimadir o'zgardimi?

- Birinchi navbatda maydon. "Aral Samali" suniy maydonda harakat qiladi. Biz futbolchilardan tezroq o'ynash lozimligini takidlagandik. Birinchi bo'limda biz yaxshi o'ynadik va raqib nisbatan kuchsizdek ko'rindi. Lekin biz bundan foydalana olmadik. Tanaffusdan keyin "Aral Samali" gol urgach, yigitlarning kayfiyati tushib ketdi. Balki Zoirov gol urganida, hisob yirik hisobda yakunlanishi mumkin edi.

Asror Aliqulov: "Bu biz uchun sharmandali mag'lubiyat hisoblanadi"