Австралия гуруҳда Қувайт (4:1) ва Уммонни (4:0) мағлуб этди, Жанубий Кореяга (0:1) ютқазиб қўйиб иккинчи ўринни эгаллади. Чорак финалда мезбонлар Хитой дарвозасига жавобсиз иккита гол урди.

БАА эса "C" гуруҳида Қатар (4:1) ва Баҳрайнни (2:1) таслим қилди, Эрон (0:1) ютқазиб қўйди. Чорак финалда араблар амалдаги Осиё чемпиони Японияни пенальтилар сериясида мағлуб этди - 5:4.

Австралия ўз тарихида учинчи бор қитъа чемпионати финал босқичида қатнашмоқда. Жамоанинг мусобақадаги энг яхши натижаси 2011 йил қайд этилган. Қатарда "соккерузлар" финалда иштирок этишганди.

БАА учун бу йилги мусобақа 9-Осиё Кубоги ҳисобланади. Ушбу жамоа 1996 йил ўз уйида ташкил этган қитъа чемпионатида финалга қадар етиб борган.

Бу икки жамоа ўзаро 2 марта тўқнаш келган. БААда бўлиб ўтган иккала баҳсда ҳам томонлар нурсиз дуранг қайд этишган.

Ушбу жамоалар бугун Осиё Кубоги доирасида илк бор бир бирларига қарши майдонга тушишади.

Австралия - БАА
Ярим финал, 27 январь 14:00
Ньюкасл, "Ньюкасл" стадиони
Бош ҳакам: Равшан Эрматов
Қанот ҳакамлари: Абдулҳамидулло Расулов (Ўзбекистон), Баҳодир Қўчқоров (Қирғизистон)
Тўртинчи ҳакам: Абдулраҳмон Ҳусайн (БАА)
Назоратчи: Субҳиддин Моҳд Солиҳ (Малайзия)
Комиссар: Камел Токабаев (Қирғизистон)

Нарзулла Сайдуллаев

Австралия - БАА. Превью