MATNLI TRANSLYACIYA
YANGILASH

O'yinning eng yaxshi futbolchisi deb bemalol Lukash Fabianskini aytgan bo'lardim. Uni tanlaganim boisi penaltini bartaraf etganligida emas. Fabianski bugungi bellashuvda bir qator vaziyatlarda jamoasini gollardan qutqarib qoldi. Ushbu posbon chinakamiga yaxshi o'yin ko'rsatdi. O'tkazib yuborilgan golda esa himoyachilar xatoga yo'l qo'yishgan edi.

-Uchrashuvning ikkinchi bo'limi muxlislarga yaxshi futbolni taqdim etdi desak mubolag'a bo'lmaydi. "Arsenal" Myunxendan mag'lubiyatga uchramasdan ortga qaytmoqda. "Bavariya" muxlislarini esa jamoaning keyingi bosqichga yo'llanma olganligi bilan tabriklaymiz!

90+4` Uchrashuv yakunlandi! 1:1! "Bavariya" keyingi bosqichga yo'l olmoqda!

90+3` "Arsenal" burchak to'pi tepdi. Ammo samarasiz.

90+2` Fabianski!!!!!!!!!!!!!!!!!! "Arsenal" posboni Tomas Myullerning zarbasini qaytarib qoldi. Tasanno, Fabianski!

90+1` Penalti! Robbenga nisbatan Koselni o'yin qoidasini buzdi.

90` Uchrashuvga 4 daqiqa vaqt qo'shib berildi!

88` Podolski o'yindan tashqari holatda qolib ketgan edi.

86` "Bavariya" futbolchilari to'pni egallab turishibdi.

85` O'zgarish: Chemberleyn o'rniga Flamini. Riberi ham maydonni tark etdi. Uning o'rnida Tomas Myuller qolgan daqiqalarda maydonda harakat qiladi.

83` Vermalen bu safar Riberiga urilib ketdi. Frank Riberiga tibbiy yordam ko'rsatilmoqda. Vermalen nihoyat hakam tomonidan sariq kartochka bilan siylandi.

81` "Arsenal"ning hujumi. Rosickining uzatib bergan to'pni Noyer egallab oldi.

80` Martinez hakam tomoindan ogohlantirildi. Ispaniyalik futbolchi Podolskini yiqitib qolgandi.

78` O'zgarish: Arteta maydonni tark etyapti, uning o'rnida Gnabri o'yinni davom ettiradi.

76` Robbening zarbasi va Fabianski o'z o'rnida.

73` Tomas Vermalen yana bir vaziyatda Lamni futbolkasidan ushlab qoldi. Lekin bu hakam jim. Vermalen bugun qo'pol o'ynamoqda.

71` Vermalen Robbenga nisbatan qo'pollik ishlatdi. Jarima to'pi.

69` "Bavariya"ning xavfli hujumi! Mario Manjukich qulay imkoniyatdan foydalana bilmadi. Jamoadoshlari uni yaxshi vaziyatga chiqarishgan edi. Lekin xorvatiyalik hujumchi to'pni o'zidan uzoqlashtirib yubordi.

67` "Bavariya" hujumlari biroz kamaydi. "Arsenal" esa aksincha, ko'proq oldinga intilishga harakat qilmoqda.

64` Shvaynshtayger uzoqdan zarba berdi. Lekin noaniq.

62` Lukash Podolski "Arsenal" muxlislariga yana umid uyg'otdi.

60` O'zgarish: Gyotce o'rniga Kroos maydonga tushdi.

59` O'yin yanada qiziydigan ko'rinadi.

57` GOOOOOOOOOOOOOOOL! Podolski! 1:1! Lukash Podolski Lamdan to'pni olib qo'ydi va chap burchakdan o'zining kuchli zarbasi bilan tezda hisobni tenglashtirdi.

55` GOOOOOOOOOOOOOOOOOOL! Bastian Shvaynshtayger! 1:0! Frank Riberi o'z qanotidan jarima maydonchasi ichida ochiq turgan Bastian Shvaynshtaygerni qidirib topdi va unga to'pni uzatdi. Bastian esa hisobni ochdi.

50` Robben hakamdan norozi. Gollandiyalik vingerni "Arsenal" himoyachisi jarima maydonchasi ichida yiqitgan edi. Lekin bu vaziyatda referi hech qanday fol bo'lmagan edi deb topdi.

47` "Arsenal" hujumga o'tgandi. Lekin Jiru bu vaziyatda offsaydda qolib ketgandi.

46` Ikkinchi bo'lim boshlandi!

- Tomash Rosicki Mesut O'zil o'rniga maydonga tushmoqda.

- Agarda "Bavariya"da keyingi bosqichga yo'l olsa, chorak finalning dastlabki o'yinini Dante o'tkazib yuborishga majbur bo'ladi. Sababi, u o'yinning dastlabki daqiqalarida hakam tomonidan sariq kartochkaga loyiq deb topildi.

-Birinchi bo'limda jamoalar ehtiyotkorlik bilan harakat qilishdi. "Bavariya" to'pni o'zida ko'proq saqlab, "Arsenal"ga hujum qilish imkonini bermadi. Pep Gvardiola jamoasi esa bir qator hujumlarni uyushtirishdi. Lekin bazida Robben aniqlik etishmagan bo'lsa, bir vaziyatda Koselni va Fabianski "Arsenal"ni muqarrar goldan saqlab qolishdi.

45+1` Hakam jamoalarni tanaffusga chorladi!

45` Birinchi bo'limga 1 daqiqa vaqt qo'shib berildi.

44` Lukash Fabianskiga tasanno! Ushbu posbon Gyotcening xavfli zarbasini ushlab oldi va jamoasini goldan saqlab qoldi.

41` O'yin tempini juda yuqori deb bo'lmaydi.

38` Robben! "Bavariya" vingeri hozir hisobni ochishi mumkin edi. Robbenning yaqin masofadan yo'llagan zarbasiga Koselni to'sqinlik qildi.

34` Robben o'ng qanotdan yorib kirdi va to'pni jarima maydonchasi ichiga etkazib berdi. Lekin bu vaziyatda "kanonir"lar himoyasi o'z ishlarini qoyilmaqom qilib bajarishdi va xavfni bartaraf etishdi.

32` Kasorlaning jarimadan yo'llagan zarbasi jonli devorga tegib maydondan chiqib ketdi. Burchakdan uzatib berilgan to'pni Jiru boshi bilan darvozaga yo'lladi. Lekin bu erda Noyer hammasini alo darajada bajardi.

30` Chemberleyn hozir juda chiroyli harakat qilib, bir necha futbolchini aldab o'tdi. Tiago esa unga nisbatan qoidani buzdi deb topdi bosh hakam.

29` Yana ogohlantirish, bu safar Mikel Arteta hakamning sariq kartochkasiga munosib harakat qildi.

27` Podolski hakam tomonidan ogohlantirildi.

26` "Bavariya" hujum qilayotgan bir paytda, Vermalen Lamga nisbatan qo'pollik ishlatdi. Jarima to'pidan so'ng mezbonlar gol kiritishdi. Lekin bu vaziyatda "Bavariya" futbolchisi o'yindan tashqari holatda edi.

23` "Bavariya"ning doimgidek to'p uzatishlarida Noyer ham bevosita ishtirok etmoqda.

21` "Bavariya" bu vaziyatga tez hujum qilib javob berdi. Alabaning jarima maydonchasi ichiga etkazib bergan to'pini, Robben Fabianski darvozasi tomon yo'lladi. Ammo noaniq.

20` Kasorlaning burchakdan uzatib bergan to'pini Noyer ushlab oldi.

19` "Arsenal" burchak to'pi ishlab oldi. Lukash Podolskining faolligi tufayli.

18` "Bavariya" to'pni o'z nazoratida saqlab turibdi. Bastian Shvaynshtayger Fabianski darvozasi tomon zarba yo'lladi. Ammo bu zarba o'xshamadi.

17` "Arsenal" futbolchilari oldinga borishga shoshilishmayapti.

15` David Alaba va Riberi chap qanotda ancha faollik bilan o'ynashmoqda.

14` "Bavariya" goh chap, gohida o'ng qanotdan hujumlar tashkil etishga urinishmoqda. Lekin hozircha "Arsenal" himoyasi ishonchli harakat qilmoqda.

11` Mezbonlar maydonda ustunlikka ega bo'lishmoqda.

8` "Arsenal" standart vaziyatga bo'ldi. Lekin ushbu imkoniyatdan londonliklar unumli foydalana olishmadi.

7` Dante ogohlantirish oldi.

6` Texnik nosozliklar uchun uzr.

3` "Bavariya" ilk daqiqalardanoq hujumga otlandi.

1` Uchrashuv boshlandi!

- Yaqin soniyalar ichida uchrashuvga start beriladi.

-Jamoalar maydonga chiqib kelishmoqda.

"Alyanc-Arena" muxlislar bilan to'lib toshgan. Uchrashuv yaqin daqiqalar ichida boshlanadi

"Bavariya" futbolchilari o'yin oldi chigal-yozdi mashqlarida

- "Arsenal" ham xuddi shunday 4-5-1 sxema asosida harakatlanadi. Darvozada Fabianski, himoya markazini Koselni va Mertesaker to'ldiradi. Qanotlarda Vermalen hamda Sanya. Yarim himoya markazida Arteta-O'zil-Chemberleyn uchligi harakat qilsa, Podolski va Kasorla o'ynaydi. Olive Jiru esa hujum chizig'ida.

- Bugungi o'yinda "Bavariya" 4-5-1 sxemada o'ynaydi. Darvozada Noyer, himoya markazini Dante va Martinez juftligi yopsa, qanotlarda Lam hamda Alaba harakat qiladi. Yarim himoya markazida Bastian va Tiago o'ynaydi. qanotlarda Robben va Riberi, yoki bo'lmasa Robberi deb atasa ham bo'ladi. Yani, Riberi va Robbenni birlashtirmasi - Robberi bo'ladi. Mario Gyotce hujum ortida, Mario Manjukich esa hujumda to'p tepadi.

- Super o'yin boshlanishiga yarim soat vaqt qoldi.

"Bavariya" - "Arsenal" o'yini protokoli

-"Bavariya": Noyer, Dante, Martinez, Lam, Alaba, Shvaynshtayger, Tiago, Gyotce, Robben, Riberi, Manjukich.
-"Arsenal": Fabianski, Sanya, Mertesaker, Koselni, Vermalen, Arteta, Chemberleyn, Kasorla, O'zil, Podolski, Jiru.

-Tarkiblar aniq!

Jamoalar stadionga etib kelishdi.

Bugungi super o'yinni, Siz aziz futbol muxlislari uchun "Championat.asia" sayti orqali Shahboz Beg'amov matnli onlayn translyaciyani amalga oshiradi. Bizdan uzoqlashmang, voqealar rivojini kuzatishda davom eting!

"Alyanc-Arena" stadioni uchrashuvga shay holatda.

- Yaqin daqiqalarda jamoalarning boshlang'ich tarkibi malum bo'ladi.

- Bugun Evropada futbol bayrami. Yana bir necha soatlardan so'ng, "Bavariya" - "Arsenal" o'yini boshlanadi. Ushbu jamoalarning dastlabki bahsida Myunxen klubi safarda ishonchli g'alabaga erishgandi. Bugun "Arsenal" keyingi bosqichga chiqishi uchun kamida ikkita to'p farqi bilan "Bavariya" qarshiligini engishi kerak.

- Uchrashuv 00:45da boshlandi

Bavariya Germaniya – Arsenal Angliya 1:1
12 mart, 00.45, Alyanc-Arena
Gollar: Shvayshtayger (55), Podolski (57)
Bavariya - Noyer, Dante, Martinez, Lam, Alaba, Shvaynshtayger, Tiago, Gyotce, Robben, Riberi (Myuller, 85), Manjukich.
Arsenal - Fabianski, Sanya, Mertesaker, Koselni, Vermalen, Arteta (Gnabri, 78), Chemberleyn (Flamini, 85), Kasorla, O'zil (Rosicki, 46), Podolski, Jiru.
Ogohlantirishlar: Dante (8), Podolski (27), Arteta (29), Martinez (80), Vermalen (81).

Dastlabki o'yin: 2:0

"BAVARIYA" - "ARSENAL" 1:1