6 O'YIN
Mazkur mintaqada ham 6ta o'yin o'tkazildi. Payshanba kuni taqvimga ko'ra 4ta uchrashuv bo'lib o'tgan bo'lsa, ertasi kuni yana 2ta bahs bo'ldi.

Bu yil yana birinchi ligada ishtirokini davom ettirayotgan Nukusning “Orol” jamoasi ochilish o'yinida bosh murabbiysiz qolgani ularga salbiy tasir o'tkazgandek go'yo.

Sababi nukusliklar chempionatni o'z maydonida boshlagan bo'lishlariga qaramay, “Sherdor”ga iimkoniyatni boy berdi.
Bu yil oliy ligaga chiqishni o'z oldiga maqsad qilib qo'ygan “Sho'rtan” esa ko'pchilikni ajablantirdi. Muxtor Qurbonov jamoasi o'z maydonida liga debyutanti “G'ijduvon”ni qabul qilib, arang durangga erishdi. G'ijduvonliklar tarkibiga nazar tashlaydigan bo'lsak, aytarli taniqli nomlar yo'qlgini ko'rish mumkin. Lekin shunga qaramay bu jamoaning G'uzordan bir ochko bilan qaytgani etirofga loyiqdir.

Bu yil yana yangitdan shakllangan “Guliston” esa tayyor g'alabani qo'ldan chiqardi. Bu jamoa Vobkentda “Spartak” mehmoni bo'lib uchrashuvda birinchi bo'lib hisobda oldinga chiqib olgandi. Ammo keyinchalik buxoroliklar raqib darvozasini ikki bor aniq nishonga olib g'alabani o'z tomonlariga og'dira olishdi.

Umuman olib aytganda o'tkazilgan 6ta o'yinning 3tasida mezbon jamoalarga omad kulib boqqan. Yana ikkita bahsda durang qayd etilgan. “Sherdor” esa safarda g'alaba bilan qaytgan yagona jamoa bo'ldi.

GOLLAR
Ortda qolgan o'yinlarda jamoalar hammasi bo'lib 14ta to'p kiritdi. Ularning 9tasi mezbonlar hisobiga yozilgan bo'lsa, qolgan 5tasini esa mehmon jamoa futbolchilari kiritgan. Uchrashuvlarning birinchi bo'limida muxlislar jami 4ta golga guvoh bo'lishdi. Ikkinchi taymda esa hujumkorlik yanada oshdi va jamoalar umumiy hisobda 10ta gol urishgan.
Eng tezkor gol – Suhrob Ismatov, 12-daqiqa. “Alanga” futbolchisi “Zomin”ga qarshi bahsda o'zini ko'rsatib, tarix zarvaraqlaridan o'rin oldi.

Turning eng so'nggi goli ham ushbu o'yinda kuzatildi. 90+3-daqiqada “Zomin” azosi Shuhrat Qurbonov raqib darvozasini ishg'ol etib, jamoasini mag'lubiyatdan qutqarib qoldi.

“G'arb” mintaqasida “Xorazm” bilan “Registon” ushbu turda o'z darvozasidan to'p o'tkazib yubormagan jamoalar bo'lishganini ham alohida takidlash lozim.

KARTOCHKALAR
O'tkazilgan uchrashuvlar davomida hakamlar futbolchilarning hatti harakatlarini 34ta sariq kartochka loyiq baholadi. Bu har bir bahsga 5,66tadan sariq kartochka demakdir. Sariq kartochkalarning 17tasi mezbon jamoa futbolchilariga ko'rsatilgan. Etiborlisi mehmonlar tomon ko'rsatilgan sariqlar soni ham 17tani tashkil etdi.

Uchrashuvlarning birinchi bo'limida jami 10ta sariq kartochka qayd etilgan. Ikkinchi taymda esa 24 futbolchi ogohlantirildi. Bundan kelib chiqadiki o'yinlarning ikkinchi taymi keskin kurashlar va qo'polliklarga boy tarzda kechgan.

1-turda hakamlar uchta futbolchini maydondan chetlatishga qaror qildi. Bundan ko'proq “Mashal-2” jamoasi jabr chekdi. Safarda o'ynagan Dilshod Andaev jamoasi “Registon” qarshi bahsning so'nggilarida 9 kishi bo'lib o'ynashga majbur bo'ldi. Oxir-oqibat muborakliklar 2:0 hisobida mag'lubiyatga uchradi.

MUXLISLAR
Ishqibozlar tashrifi borasida “G'arb” mintaqasi vakillari “Sharq”qa nisbatan faollik ko'rsatdi deyish mumkin. Sababi bu mintaqadagi jami 6 o'yinni hammasi bo'lib, 15998 nafar tomoshabin bevosita stadionda kuzatgan. Har bir uchrashuv uchun o'rtacha 2666,3 tadan muxlis to'g'ri keladi.
Ortda qolgan turda eng muxlis Xivada kechgan “Xorazm” – “G'allakor-Avtomobilchi” bahsiga qadam ranjida qilgan.
Samarqandda kechgan “Registon” – “Mashal-2” o'yinida esa aksincha xolat kuzatilgan.

Tomoshabinlar tashrifi kimda qanday?
Orol – Sherdor – 1:2 (0:0). 2243 tomoshabin.
Xorazm – G'allakor-Avtomobilchi – 2:0 (1:0). 7110 tomoshabin.
Alanga – Zomin – 1:1 (1:0). 2111 tomoshabin.
Spartak – Guliston – 2:1 (0:1). 238 tomoshabin.
Registon (Samarqand) – Mashal-2 (Muborak) – 2:0. 176 tomoshabin.
Sho'rtan (G'uzor) – G'ijduvon (G'ijduvon) – 1:1. 4120 tomoshabin.

Islombek RUSTAMBEKOV tayyorladi.

Birinchi liga. “G'arb” mintaqasi. 1-tur statistikasi