“Registon”ning musobaqadan chetlatilgani natijasida ushbu jamoa ishtirokidagi o'yinlarda raqibiga texnik g'alaba yozilmoqda. Ortda qolgan tur statistikasini etiboringizga havola etamiz.

“SHO'RTAN”NI MAG'LUB ETADIGAN JAMOA BORMI YOXUD G'UZORLIKLAR HAMON PESHQADAM!
Muxtor Qurbonov boshqaruvidagi “Sho'rtan” ikkinchi bosqich masalasini hal qilish birga, deyarli oliy liga yo'llanmasini ham ko'lga kiritib bo'ldi desa bo'ladi. G'uzorliklar chempionatda shu kungacha atiga bitta durang qayd etdi xolos. Qolgan barcha uchrashuvlarda faqat g'alaba qozonmoqda. Bo'lib ham raqiblarini yirik hisoblarda mag'lub etmoqda. Ayniqsa o'z maydonidagi bahslarda “Sho'rtan” raqiblarini ortiqcha ayab o'tirmayapti va xohlaganicha to'p kiritmoqda.

Turnir jadvalida uning ketidan “Xorazm” quvishda davom etmoqda. Bu yo'lda urganchliklarga yon qo'shnilari “Orol” raqobatchilik qilmoqda.

O'tgan mavsum oliy ligada ishtirok etgan “Guliston” joriy yil muxlislarini ajablantirmoqda. Aftidan bu jamoaning ikkinchi bosqichga chiqish masalasi ham qiyindek tuyulmoqda.
16-tur
Spartak – Xorazm – 3:1.
Alanga – Orol – 0:2.
Guliston – Sho'rtan – 1:3.
G'allakor-Avtomobilchi – G'ijduvon – 6:1.
Sherdor – Mashal-2 – 0:0.

GOLLAR
* 17ta gol
* 10ta gol mezbonlarga tegishli
* 7ta gol mehmonlar hisobiga yozilgan
* Uchrashuvlarning birinchi bo'limida 7ta to'p kiritilgan
* 10ta gol ikkinchi bo'limda yuz bergan
* turning eng tezkor goli muallifi Damir Nizanov bo'ldi. “Orol” azosi “Alanga”ga qarshi bahsning 10-daqiqasida hisobni ochishga erishgan.
* Aksincha 16-turning eng so'nggi 86-daqiqada kiritilgan. “G'allakor-Avtomobilchi” o'yinchisi Madamin Xojibekov aynan ushbu daqiqada “G'ijduvon” darvozasiga jamoasining 6-golini urishga erishdi.
* O'yinlarni boshqarib borgan hakamlar jami 5ta penalti belgilagan. Etiborlisi ularning barchasi gol bilan yakunlangan.

* Penalti tepgan futbolchilar:
Umid Jumaev (“Spartak”)
Sardor Sulaymonov (“Spartak”)
Mansur Abdullaev (“Orol”)
Abdurasul Abdug'aniev (“G'allakor-Avtomobilchi”)
Dilshod Ochilov (“G'ijduvon”)
* 1ta dubl. To'purarlar ro'yxatini boshqarib kelayotgan Viktor Klishin ushbu turda ham ikkita gol urgan.
* 1ta avtogol. Marat Hoshimov (“Xorazm”) “Spartak” bilan o'yinda o'z darvozasiga kutilmaganda to'p kiritib yuborgan.
* Mazkur turda eng ko'p gol urgan jamoa “G'allakor-Avtomobilchi” bo'ldi. O'z maydonida “G'ijduvon”ni qabul qilgan g'allaorolliklar raqib darvozasiga naqd 6ta (!)ta to'p kiritishga muvaffaq bo'ldi.

OGOHLANTIRISH VA CHETLATISH
* O'yinlarni boshqarib borgan hakamlar jami 12ta futbolchiga sariq kartochka ko'rsatgan.
* Mezbon jamoalarning 5 nafar o'yinchisi sariq bilan “siylangan” bo'lsa, mehmonlardan 7ta o'yinchiga ogohlantirish ko'rsatilgan.
* Birinchi bo'limda 6 nafar o'yinchi sariq kartochka olgan bo'lsa, uchrashuvlarning ikkinchi taymida yana 6ta futbolchi sariq bilan “siylangan”.

* Turning intizomli jamoasi “Guliston” va”Spartak” bo'ldi. Bu jamoalar mazkur turda birorta ham sariq kartochka olmadi va intizom borasida boshqalarga namuna bo'ldi.
* Aksincha “Alanga” futbolchilaridan 3tasi sariq kartochka olib, turning eng qo'pol jamoasi sifatida qayd etildi.
* 16-turda eng ko'p kartochka ko'rsatilgan o'yin ham aynan “Alanga” – “Orol” bahsi bo'ldi. Mazkur uchrashuvda bosh hakam Dilshod Karimov futbolchilarga jami 5ta sariq va 1ta qizil kartochka ko'rsatgan.
* “Guliston” – “Sho'rtan” to'qnashuvida esa atiga bitta sariq kartochka qayd etilgan xolos.

TOMOSHABINLAR
16-turda bo'lib o'tgan 5ta o'yinga jami 2348 nafar tomoshabin tashrif buyurgan. Har bir o'yinga o'rtacha miqdorda 469 tadan muxlis demakdir.
Albatta 5ta o'yinga kirgan ishqbozlarni hammasini hisoblab, 2348 ekanligini ko'rish achinarli.
“Guliston” oliy ligadan tushib ketgach, muxlislarning ham qiziqishi so'ngan ko'rinadi. Xususan bu jamoaning 18 iyun kuni turnir peshqadami “Sho'rtan”ga qarshi o'yiniga atiga 37 nafar tomoshabin kirgani uchrashuv qaydnomasida yozib ko'rsatilgan.

Eng ko'p ishqiboz g'allaorolda kuzatildi. “G'allakor-Avtomobilchi” – “G'ijduvon” qarama-qarshiligini 1750 nafar ishqiboz bevosita stadionda kuzatib borgan.

Muxlislar tashrifi kimda qanday?
Sherdor – Mashal-2 – 0:0. 152 tomoshabin.
G'allakor-Avtomobilchi – G'ijduvon – 6:1. 1750 tomoshabin.
Guliston – Sho'rtan – 1:3. 37 tomoshabin.
Alanga – Orol – 0:2. 330 tomoshabin.
Spartak – Xorazm – 3:1. 79 tomoshabin.

22 IYUNDAN KEYINGI VAZIYAT

#	Jamoa	O'	YU	D	M	UG - O'G	T-N	O
1	Sho'rtan	17	16	1	0	65 - 5	60	49
2	Xorazm	16	10	2	4	29 - 19	10	32
3	Orol	16	9	1	6	22 - 17	5	28
4	Zomin	16	8	3	5	15 - 12	3	27
5	Mashal-2	16	8	2	6	22 - 22	0	26
6	Spartak	17	8	0	9	23 - 32	-9	24
7	Sherdor	16	6	4	6	15 - 21	-6	22
8	G'allakor Avtomobilchi	16	6	2	8	26 - 31	-5	20
9	Alanga	17	5	3	9	26 - 37	-11	18
10	Guliston	16	4	3	9	15 - 25	-10	15
11	G'ijduvon	16	3	3	10	18 - 33	-15	12
12	Registon	17	2	2	13	10 - 32	-22	8

TO'PURARLAR:
Viktor Klishin (“Sho'rtan”) – 21ta.
Solijon Xayrullaev (“G'allakor-Avtombilchi”) – 10ta.
Nizom Norov (“Xorazm”) – 8ta.
Navro'zbek Xaipov (“Orol”) – 8ta.
Aleksandr Vostrikov (“Sho'rtan”) – 8ta.

17-TURDA UCHRASHADILAR
22 iyun (yakshanba)
“Sho'rtan” – “Alanga” 8:0.
“Registon” – “Spartak” -/+

23 iyun (dushanba)
“G'ijduvon” – “Orol”
“Mashal-2” – “Xorazm”
“G'allakor-Avtomobilchi – “Zomin”
“Sherdor” – “Guliston”

Islombek Rustambekov tayyorladi.

Birinchi liga. “G'arb” mintaqasi, 16-tur statistikasi