“BUXORO-2”NING O'ZIGA XOS REKORDI YOXUD “MASH'AL”DAN 38 DAQIQA ICHIDA 6TA GOL!!!
20-tur. 30 iyun (yakshanba)
“Buxoro-2” – “Alanga” 1:3.
“Spartak” – “Surxon” 0:0.
“Registon” – “Xorazm” 1:0.
“G'allakor-Avtomobilchi” – “Orol” 1:3.
1 iyul (dushanba)
“Zarafshon-PFK” – “Sherdor” 1:0.
“Mashal” – “Zomin” 6:0.

“G'arb” mintaqasida “Buxoro-2” o'ziga xos rekord qayd etib kelmoqda. Sababi Akmal Choriev boshchiligidagi jamoa mana 20-turki hanuz g'alaba nimaligini bilmay kelmoqda. Bungacha birinchi liga tarixida bunday natija qayd etilmagan bo'lsa kerak nazarimizda. Birinchi liga jamoalari orasida hamon mag'lubiyatga uchramay kelayotgan “Mashal” ushbu turda “Zomin”ni qabul qildi. Mazkur uchrashuvning birinchi bo'limida muxlislar gol ko'rishmadi. Tanaffus paytida murabbiylaridan kerakli ko'rsatmalarni olgan “gazchilar” ikkinchi bo'limda “uyg'onishdi” va o'yinning ikkinchi qismida raqib darvozasiga javobsiz 6ta to'p kiritishga muvaffaq bo'ldi!!! Etiborlisi “Mashal” futbolchilari ushbu gollarni 38 daqiqa ichida kiritishdi! Har bir gol o'rtacha 6,3 daqiqada yuz bergan!

20-turdan o'rin olgan oltita o'yinning 3tasida mezbonlar g'alaba qozonishgan bo'lsa, yana ikkita o'yinda mehmonlar safardan uch ochko bilan qaytishga erishgan! Qolgan yana bir bahsda esa jamoalar durangga imzo chekkan!

16TA GOL. 6TA PENALTI. 1TA AVTOGOL.

Bo'lib o'tgan oltita o'yinda jami 16ta gol kiritildi. Bu har bir o'yinga o'rtacha 2,6tadan to'g'ri kelmoqda.

Birinchi bo'limda tomoshabinlar 5ta golga guvoh bo'lishgan ersa, ikkinchi bo'limda yana 11ta gol qayd etildi!

Ushbu turda eng ko'p golni “Mashal” futbolchilari kiritgan, 6ta!

Turning eng tekzor goli, 5-daqiqaga to'g'ri keldi. “Alanga” hujumchisi Tursunmurod Hamdamov bu vaziyatda “Buxoro-2” darvozasini ishg'ol etishga muvaffaq bo'ldi.

Turning eng so'nggi goli esa, 86-daqiqada yuz berdi. “Orol” himoyachisi Temur Turdiev ushbu daqiqada “G'allakor-Avtomobilchi” darvozasiga penaltidan to'p kiritdi.

Ushbu turda 6ta penalti belgilandi. Ulardan 4tasi aniq amalga oshirilgan bo'lsa, qolgan ikkitasi futbolchilar tomonidan noaniq tepilgan. Sherzod Fayzullaev (“Zarafshon-PFK”), Shahzod Mannonov (“G'allakor-Avtomobilchi”), Temur Turdiev (“Orol”) hamda Mamur Sultonov (“Alanga”) 11 metrlik nuqtadan adashmadi. Islombek Isoqjonov (“Spartak”) bilan Jamshid Hasanovga (“Mashal”) esa bu borada sovuqqonlik etishmadi. Shu o'rinda ikki og'iz. PFL saytidagi o'yin qaydnomasiga ko'ra “Mashal”dan amalga oshirilmagan penalti Jamshid Hasanov nomiga yozilgan. Lekin “Mashal” klubi matbuot xizmatining malum qilishicha penaltini Otabek Shukurov tepgan.

Ushbu turdagi yagona avtogol muallifi Ruslan Aslanov bo'ldi. “Buxoro-2” himoyachisi “Alanga” bilan kechgan o'yinda o'z darvozasiga to'p kiritib yubordi.

28TA SARIQ, 3TA QIZIL KARTOCHKA!

20-turning oltita o'yinida hakamlar tomonidan futbolchilarga jami 28ta sariq kartochka ko'rsatildi! Bu har bir uchrashuvga o'rtacha 4,6tadan sariq demakdir.

Birinchi bo'limdagi sariq kartochkalar soni 14tani tashkil etdi. Ikkinchi bo'limdagi sariqlar miqdori ham shuncha bo'ldi.

Eng ko'p sariq kartochka “Zarafshon-PFK” – “Sherdor” bahsida qayd etildi. Ushbu o'yinni boshqarib borgan hakam Timur Galeev (Urganch) mezbonlarga 4ta, mehmon futbolchilarga esa 5ta sariq kartochka ko'rsatdi.

Turning eng qo'pol o'yin namoyish etgan jamoasi ham aynan “Sherdor” bo'ldi, 5ta sariq! “Buxoro-2” esa aksincha. Garchi ushbu jamoa o'z maydonida mag'lubiyatga uchragan bo'lsada, buxoroliklar 20-turni ogohlantirishlarsiz o'tkazishgani etiborga molikdir!
Qayd etilgan sariqlarning 11tasi mezbon jamoa futbolchilariga ko'rsatilgan bo'lsa, qolgan 17ta sariq mehmon jamoa o'yinchilari hisobiga yozilgan.

20-TUR O'YINLARINI JAMI 8031 NAFAR MUXLIS KUZATDI!

Mazkur turda muxlislar tashrifi u qadar ko'p bo'lmadi. Sababi bo'lib o'tgan jami oltita o'yinga 8031 nafar muxlis kirganligi o'yin qaydnomasida ko'rsatilgan.
Tomoshabin yig'ish borasida “Zarafshon-PFK” boshqalardan yaqqol ilgarilab ketganligini alohida takidlash lozim. Jamoaning dushanba kungi uy o'yiniga ham boshqa bahslarga nisbatan ko'p tomoshabin tashrif buyurdi.

Bu borada “Buxoro-2”da aksincha xolat. Jamoaning birinchi ligada hamon g'alaba qozona olmayotgani uchun ham Vobkentdagi stadionga tomoshabinlar tashrifi juda ham oz miqdorni tashkil etmoqda.

Muxlislar tashrifi kimdan qanday?
20-tur. 30 iyun (yakshanba)

“Buxoro-2” – “Alanga”. Vobkent. 67 tomoshabin.
“Spartak” – “Surxon”. Buxoro. 118 tomoshabin.
“Registon” – “Xorazm”. Registon. 525 tomoshabin.
“G'allakor-Avtomobilchi” – “Orol”. G'allaorol. 2186 tomoshabin.
1 iyul (dushanba)
“Zarafshon-PFK” – “Sherdor”. Navoiy. 4201 tomoshabin.

"Mashal” – “Zomin”. Muborak. 931 tomoshabin.

20-TURDAN KEYINGI TURNIR JADVALI

1	MASH'AL (Muborak)	20	18	2	0	52-4	56
2	ZARAFSHON-PFK (Navoiy)	20	12	3	5	28-15	39
3	SPARTAK (Buxoro)	20	11	3	6	34-19	36
4	OROL (Nukus)	20	9	2	9	32-26	29
5	SHERDOR (Samarqand)	20	9	2	9	32-34	29
6	SURXON (Termiz)	20	7	7	6	19-22	28
7	REGISTON (Samarqand)	19	8	4	7	22-28	28
8	XORAZM (Urganch)	20	8	2	10	27-26	26
9	ALANGA (Koson)	20	8	2	10	30-36	26
10	ZOMIN (ZOmin)	20	7	2	11	32-35	23
11	G'ALLAKOR-A (G'allaorol)	19	4	5	10	16-29	17
12	BUXORO-2 (Buxoro)	20	0	2	18	12-62	2

21-TURDA UCHRASHADILAR:
5 iyul (juma)
“Buxoro-2” – “Mashal” 0:4
6 iyul (shanba)
“Surxon” – “Xorazm”
“Alanga” – “Orol”
“Zomin” – “Registon”
“Sherdor” – “G'allakor-Avtomobilchi”
“Spartak” – “Zarafshon-PFK”

Islombek Rustambekov tayyorladi

Birinchi liga. “G'arb” mintaqasi, 20-tur statistikasi