Buni qanchalik amalladik, munosib bahoni o'quvchilar berishadi. Lekin har bir klub rasmiylaridan buning uchun alohida minnatdorchilik eshitib keldik.

Ortda qolgan mavsum-2014da birinchi liga uchrashuvlarini saytimizda yoritib borilishida asosiy ishni bajargan 4 nafar xodimimiz turli nominaciyalar bo'yicha eng yaxshilarni aniqladi.

Xususan mavsum-2014 kashfiyoti bo'yicha o'tkazilgan so'rovnomaga ko'ra eng yuqori ballni “Mashal-2” hujumchisi Humoyun Murtazoev to'pladi.

22 yoshli futbolchi haqiqatdan ham bu yil muxlislar etiborini ko'proq o'ziga jalb etdi. Albatta u bunga o'z gollari va jamoasiga foyda keltirish bilan erishdi. Murtazoev mavsum chog'ida o'z hisobiga 9ta gol yozdirib qo'yishga erishdi.

Keyingi o'rinni Nuriddin Hasanov egalladi. 20 yoshli futbolchi birinchi bosqichda juda yaxshi harakat qildi. Natijada Sergey Lushan uni asosiy jamoaga olib o'tdi. Elitada debyut qilgan Hasanov uchun joriy mavsum ijobiy o'tdi desa bo'ladi.

“Istiqlol” azosi Shoxruz Norxonov o'zini ko'rsatishga erishdi. Toshkentliklarning haqiqiy kashfiyoti bo'ldi. Ko'pincha uning gollari uchrashuv taqdirini hal etdi.
Birinchi ligada debyutanti “G'ijduvon” garchi ikkinchi bosqichga chiqa olmagan bo'lsada, jamoa safida Mansur Otaqulov o'zini ko'rsatishga erishdi. Haqiqiy etakchilarga xos ravishda o'yin namoyish etgan futbolchining nima uchun ikkinchi bosqichda ham birinchi liga jamoalaridan biriga o'tmagani biz uchun mavhum. Extimol Otaqulov kelasi yil yana birinchi ligaga qaytar.

“UzDongJu” hujumchisi Ozod Komilov bu yil birinchi ligada debyut uchrashuvini o'tkazdi. Andijondagi “Ixtisoslashtirilgan futbol maktab internati” bitiruvchisi bo'lgan Komilov Andijon futbolining kelajagidir. 17 yoshli futbolchi agarda yulduzlik kasaliga uchramasdan, o'z ustida ishlashni kanda qilmasa shubhasiz undan etuk saviyadagi hujumchi etishib chiqadi.

Mavsum kashfiyoti:
Humoyun Murtazoev (“Mashal-2”) - 19
Nuriddin Hasanov (“Bunyodkor-2”) - 14
Shoxruz Norxonov (“Istiqlol”) - 12
Mansur Otaqulov (“G'ijduvon”) - 9
Ozod Komilov (“UzDongJu”) - 6

Birinchi liga. Mavsum kashfiyoti: Humoyun Murtazoev!