O'yinni tahlil qilib o'tirmayman. Buni murabbiylar qilsin. Agar bunga bilim darajalari etsa. Men boshqa holat haqida aytib o'tmoqchiman.

Sharmandali mag'lubiyatdan yuragim siqilib, ko'chaga chiqdim. Ko'chada odam ko'p emas. Bolasini qo'lidan ushlab, bog'chadan qaytayotgan onalar, maktab kelib, papkasini uloqitgancha ko'chaga o'ynashga chiqqan uch-to'rt nafar bolakaylar... Ora-sira yo'lovchi mashinalar o'tib qoladi. Kun sovuq... G'azab o'tida yonganim uchun engilroq kiyinib chiqqan ekanman, izg'irindan etim junjika boshladi. Mayli, dedim o'zimga o'zim. Zora shu bilan jahlim bir oz sovusa... Qaerda! Battar bo'ldi! Mahalladoshim Ashur akani ko'rib qoldim. Qo'pol va to'rsroq odam. Xotini olamdan o'tgan, bir o'zi yashaydi. Futbolga unchalik qiziqmaydi. Lekin men futbol jinnisi ekanimni yaxshi biladi.

Futbolchilaring yutqazib qo'ydi-yu... dedi meni ko'rishi bilan. (Albatta, u bu gapni boshqacha, o'zini tilidagi qo'pol so'zlar bilan aytdi. Ammo uning so'zlarini bu erda yozishning ilojisi yo'q). Shundoq ham asabim buzilib turgani uchun gapi menga yoqmadi. Ayniqsa, O'zbekistoning mag'lubiyatiga xuddi men aybdordek iddao bilan gapirgani battar jahlimni chiqardi. Ammo zahrimni ichimga yutdim. Nachora, majburman. Birinchidan yoshi mendan katta. Ikkinchidan o'zim futbol jinnisiligim tutib o'z vaqtida uni Milliy terma jamoaning o'yinlarini ko'rishga qiziqtirishga harakat qilgandim. Uchinchidan, uning gaplari to'g'ri edi...

Ha, endi... Shunaqasiyam bo'lib turadi, - dedim nima deyishni bilmay. Aslida esa, O'zbekiston terma jamoasi ishtirokida bunaqasi juda ko'p bo'lganini eslab, battar dilim vayron bo'ldi. Bunday o'ylab qarasam, terma jamoaning barcha sharmandali mag'lubiyatlarini jonli efirda ko'rish baxtiga muyassar bo'lgan ekanman... Livandagi OKda xuddi shu Yaponiyadan uchralgan 8:1 hisobidagi mag'lubiyat... (YO Rab, netay, bu ne yuz qarolig' bo'ldi). Keyin Saudiya Arabistonining darvozamizga javobsiz 5ta gol yo'llagani... Undan avval, JCH-98 saralashida Paxtakor stadionida koreyslardan 5:1ga qolganimiz... Yana shu yaponlarga 6:3 hisobida yutqazganimiz... Oleg Shackixning 2ta goli... Abramovning Qatardagi Jigulisini-ku gapirishga ham hojat yo'q... Mana endi, yana bitta 5:1ni ko'rib turibman... O'zbek futboliga muxlislik qilishning yuki namuncha ham og'ir bo'lmasa...

Shularni o'ylab turgandim, yo'l chetida gaplashib ketayotgan ikkita ajnabiyga ko'zim tushdi.

Davomi mana bu manzilda

Bu ne yuzqarolig' bo'ldi...