Yil boshidan beri 139 o'yin o'tkazildi. Turnir jadvaliga etibor qaratsak, eng ko'p g'alaba "Paxtakor"ning nomi yozilgan qatorda turibdi (1). Eng kami esa debyutant "Turon"da (2). Mag'lubiyatlar borasida "Surxon" va "Metallurg" "etakchilik" qilmoqda (13), eng kam engilgan yana "Paxtakor" (1).

Urilgan va o'tkazib yuborilgan gollar bo'yicha yana o'sha jamoa etakchi - 35:8 (+27). Bu boradagi eng yomon natija "Surxon"da - 10:32 (-22). Sobiq futbolchilari urilayotgan bir paytda Termiz klubi raqiblar darvozasiga gol urishni ham o'rganib olsa, yomon bo'lmasdi.

Eng uzoq paytdan beri g'alaba qozonolmayotgan jamoa - "Qizilqum" (7 o'yin). Hamidjon Aktamov shogirdlarining so'nggi 3 ochkosi 13-turda Bekobodda qayd etilgan edi (13-tur). Bu o'sha g'alabaga 2 oy to'ldi. Bu muddatda o'tgan 7 turda Navoiy klubi 21 ochkolik imkoniyatdan 5 oldi.

Eng ko'p vaqtdan beri mag'lubiyatli seriya namoyish qilayotgan jamoa - "Turon" (5 o'yin). Igor Shkvirin shogirdlari so'nggi bor 14 avgust kuni (15-tur) mag'lubiyatsiz o'yin o'tkazishgandi ("So'g'diyona" - 1:0).

Eng ko'p vaqtdan beri davom etayotgan mag'lubiyatsiz seriya - "Navbahor" (6 o'yin). Namangan klubi so'nggi bor 8 avgust kuni "So'g'diyona"ga imkoniyatni boy bergan edi (14-tur, 1:0).

Eng uzoq vaqtdan beri g'alaba qozonib kelayotgan jamoa - "Nasaf" (3 o'yin).

Uzoq vaqtdan beri davom etayotgan golli seriya - "Qo'qon-1912" (7 o'yin). Baxtiyor Ashurmatov shogirdlari so'nggi bor 12 may kuni "Paxtakor" bilan o'yinni "quruq" o'tkazishgan edi.

Eng uzoq vaqtdan beri darvozasi dahlsizligini ushlab turgan jamoa - "Navbahor". O'tkir Yusupov so'nggi bor 8 avgust kuni "So'g'diyona" bilan o'yinda gol o'tkazgan edi (Shohruz Norxonovdan).

"Qo'qon-1912" necha yildan beri "Paxtakor"ni engolmayapti?

Bu qiziq! Superligada davom etayotgan seriyalar