Myonxengladbaxning "Borussiya" jamoasi o'z maydonida chempionatning ikkinchi pog'onasini egallab turgan "Bayer"ni qabul qiladi.

Lyusen Favr shogirdlari so'nggi o'yinlarda omadsiz harakat qilishmoqda. Bugun ular o'z muxlislari qarshisida Sami Xyuyupya shogirdlarini mag'lub etishga o'rinib ko'rishadi. Leverkuzenning "Bayer" klubining ham hozirgi holati alo darajada emas. Klub so'nggi uch o'yinning faqatgina bittasida g'alaba qozondi xolos. Bu jamoalarning birinchi davradagi o'yinida "Bayer" Favr jamoasini 4:2 hisobida mag'lub etgandi.

Myonxengladbaxliklar 1989 yildan buyon o'z uylarida "Bayer"ni mag'lub etolmay kelishmoqda. Shu xususida "Borussiya" M bosh murabbiyi Lyusen Favr o'z fikrlarini bildirib o'tdi: O'ylaymanki, "Bayer"ni mag'lub etish vaqti etib keldi. Biz so'nggi o'yinlarda o'zimizga o'xshamayapmiz. O'tgan yilgiga nisbatan kam golli vaziyatlar yaratmoqdamiz. Bu ustida kerakli ishlarni olib bormoqdamiz. Ushbu bahsda o'z muxlislarimizga g'alabani taqdim etamiz degan umiddaman.

Har ikkala jamoa bu o'yinga deyarli yo'qotishlarsiz etib kelishgan. Faqatgina "Borussiya" M futbolchisi Yulian Korb diskvalifikaciya tufayli o'yinni o'tkazib yuboradi. Yana shuni qo'shimcha qilish mumkinki, "Bayer" azosi Robbi Kruz uchun mavsum yakunlangan. U mavsum so'nggiga qadar safdan chiqqan.

Bundesliga, 20-tur.
"Borussiya Myonxengladbax" - "Bayer"
Borussiya-Park stadioni.
Hakamlar: Florian Mayer, Frank Villenborg, Kristof Bornxorst, Shtefan Trautmann.
Taxminiy tarkiblar:
Borussiya M: ter Shtegen, Oskar Vendt, Toni Yanchke, Martin Shtrancl, Maks Kruze, Raffael, Xovard Nordtveyt, Xuan Arango, Kristof Kramer, Granit Jaka, Patrik Xerrmann.
Bayer: Leno, Omer Toprak, Julio Donati, Emir Spaxich, Emre Jan, Andres Guardado, Gonsalo Kastro, Simon Rolfes, Lars Bender, Shtefan Kissling, Son Xin Min.

Uchrashuvning boshlanish vaqti: 00:30 (NTV-PLYUS Futbol LIVE)

Shahboz Beg'amov.

Bundesliga. 20-tur. "Borussiya M" - "Bayer" uchrashuvi oldidan