Shu kuni jami 4ta bellashuv bo'lib o'tdi. maktabning 2001-2002 yilgi tarbiyalanuvchilari boshqa musobaqadagi ishtiroki bois, o'yin boshqa muddatga ko'chirildi.

2000 yil, (10:0)
Dastlabki uchrashuv 2000 yilda tavallud topgan futbolchilar o'rtasida kechdi. "Qaldirg'ochlar"ning bellashuv ilk daqiqalaridagi tashkil etgan havfli vaziyatlari samarali yakun topdi. Birinchi sodir etilgan hujum golga aylanganidan o'zini yo'qotib qo'ygan mehmonlar tushkunlikka tushib qolishdi. Natijada bunyodkorchilar darvoza tomon yana tahdid solib gollar urishga muvaffaq bo'lishdi. Albatta voqealar rivojini bunday tus olishini kutmagan "BO'SM-16" o'yinning qolgan daqiqalarida ham faqat himoya haqida bosh qotirishiga to'g'ri keldi. "Bunyodkor-A" esa gollar "yomg'irini" yog'dirdi. Shu kuni mezbonlar safida harakat qilgan Gayrat Azizho'jaev, Rasul Yo'ldoshev, Abdulhay Ismoilov va Shuhrat Nematov jamoasining yirik g'alabasini taminladi – 10:0.

1999 yil, (3:1)
Navbatdagi bellashuvda tomonlar bir-birlarini ancha yaxshi o'rganganliklari ko'zga tashlanib turdi. Chunki har ikkala jamoa futbolchilari bir-birlarini tanishlari oqibatida qaysi o'yinchining imkoniyatlari qay darajada ekanligini bilgan holda harakat qilishdi. Natijada, birinchi bo'limda hisob ochilmadi. Ikkinchi bo'lim esa avvalgisiga qaraganda umuman boshqacha o'tdi. Jamoalar hujum haqida ko'proq o'ylay boshlashdi. Mezbonlar harakatlarini asosan qanotlar faolligi orqali uyushtirishdi. Bu esa o'z samarasini bermasdan qolmadi. Gollardan ikkitasi aynan shu asnoda darvoza to'riga borib tushgan bo'lsa, yana bittasi jarima maydoni oldidagi kombinacion hujum orqali ijobiy yakun topdi. "BO'SM-16" esa burchak zarbasidan unumli foydalandi. Shu tariqa hisob 3:1 mezbonlar foydasiga.

1998 yil, (9:1)
Kunning uchinchi baxsida "Bunyodkor-A" raqibidan har jabhada ustunlik qildi. Futbolchilar bir-birini tushinishi, hujumlar tashkil etilishi, aniq paslar berish va hokazo. Hisob ham o'yinga yarasha bo'ldi 9:1. O'yinda Doniyor Tursunov, Javlon Abduhamadov, Husniddin Husniddinov va Sanjar Hasanboev dublga erishgan bo'lsalar, Usmon Masurov bitta golni o'z hisobiga yozdirib qo'ydi. Ularning 9ta goliga mehmonlardan Humoyun Ahmadjonov bitta gol bilan javob qaytara oldi. Natijada hisob 9:1 ko'rinishini oldi.

1996-97 yillar, (4:2)
Bundan oldingi turda "Bunyodkor-A" safarda "BO'SM-16" mehmoni bo'lgan edi. Shu uchrashuvda tomonlar murosa yo'lini tanlashlariga to'g'ri kelgan. Bu safargi bellashuv xuddi avvalgisi kabi keskin kurashlarga boy bo'ldi. Dastlabki bo'limda mezbonlar ancha yaxshi harakat qilgan bo'lsa, ikkinchi bo'limda mehmonlar ustunlik qilishdi. Birinchi bo'lib darvoza ishg'ol qilish "Qaldirg'ochlar"dan Jovohir Esonqulovga nasib etgan bo'lsa, oradan hech qancha vaqt o'tmasdan jamoadoshi Sanjar Qodirqulov ham o'zini ko'rsata oldi. Ammo, mehmonlar ham qarab o'tirishmadi. Hujumga hujum bilan javob berishdi. Lekin ularning ohirgi paslari aniq bormasligi natijasida harakatlari yakuniga etmay qolaverdi.

Oradan biroz vaqt o'tgandan keyin esa "BO'SM-16" penaltini amalga oshirib hisobni bitta to'pga qisqartirdi. Bu qaltis hisob bunyodkorchilarni yana oldinga undadi. Natijada ko'p sonli havfli vaziyatlardan ikkitasi golga aylandi. Ularni ham yana o'sha Sanjar va Jovohir kiritdi. Uchrashuv ohirlab borayotgan bir paytda mehmonlardan Jasur Shuhratov jamoasining ikkinchi goliga mualliflik qildi. Shu tariqa hisob 4:2, "Bunyodkor-A" foydasiga.

Shuni xam etirof etishimiz mumkinki, bellashuvda Jovohir Esonqulov hujumdagi aniqlilik koefficienti bilan maqtana olsa, Sanjar Qodirqulov tezligi, driblingi va qanotdan uyushtiradigan reydlari bilan jamoadoshlari joniga oro kirdi, hamda uchrashuvning eng yaxshi o'yinchisi deb ham, aynan Sanjarni ko'rsatishimiz mumkin.

Navbatdagi tur uchrashuvlari 6 oktyabrda bo'lib o'tadi. Shu kuni "Bunyodkor-A" o'z maydonida "Paxtakor"ni qabul qiladi.

Bekzod ISAEV

"Bunyodkor-A" – BO'SM-16 o'yinlari