Ko'tarilish uchun hali yana ishlashimiz va har bir soha vakillari o'z ishlarini rivojlantirib borishlari lozim. O'z oldiga jiddiy maqsadlarni qo'yayotgan saytimiz kuni kecha, asli avstraliyalik, lekin bugungi kunda Yaponiyada istiqomat qilayotgan Skott Maklntayr bilan "SA" va Osiyo futbolini taraqqiyotiga o'z ulushini qo'shishi mumkin bo'lgan loyiha ustida kelishib oldi.

Osiyo futbol tarixini jiddiy o'rganayotgan Skott 1,5 yil vaqt ichida qitamizning 36ta davlatida bo'lib, yana 16ga yaqin mamlakat futbolini juddiy o'rganishni maqsad qilgan. Osiyoning barcha davlatlarini o'rganish davomida mutaxassis ko'plab tanishlar orttiryapti. Tabiiyki, bunday jurnalist bilan hamkorlikni yo'lga qo'yish bizning loyihamiz uchun katta yutuq. Skott bilan tahririyatda bir necha soat davomida suhbatlashdik. O'zbek futboli haqida malumot berdik, saytimiz va xodimlar bilan yaqindan tanishtirdik. Shundan so'ng saytning kelajagiga ijobiy tasir o'tkazishi mumkin bo'lgan bir necha loyihalar ustida suhbat qurdik. Doimiy tarzda JCH, Osiyo Kuboklari va ichki chempionatlarni kuzatib boradigan mutaxassisning bizga bo'lgan munosabati ancha iliqligi kishini quvontirdi.

Suhbat davomida avstraliyalik hamkasbimiz kuni kecha yurtimizga tashrif buyurgan FIFA vice-prezidenti va Iordaniya shahzodasi bilan do'stona munosabatda ekanligi hamda yakunda biz bilan amalga oshadigan hamkorlikda yordam berishini aytib o'tdi.

Skott Maklntayr saytimiz strukturasi bilan tanishar ekan, uning faoliyatiga katta baho berdi. Ayniqsa, saytda berilayotgan futbol bellashuvlariga oid fotosuratlar shu erdagi ishchi-xodimlarning mehnati tufayli amalga oshishini katta yutuq sifatida takidladi. Bunga sabab etib butun dunyoda sayt va gazetalar o'z fotomuxbirlari bilan reyting va nom qozonishlarini aytdi. Bu borada Yaponiya OAV katta yutuqlarga erishayotgani, fotomuxbirlar reytingida dunyoda birinchi o'rinda borishlarini, aksincha, O'zbekiston Avstraliyaga nisbatan futbol OAVda ustunligini takidladi. Avstraliyada futbol, Avstraliya futboli, regbi va kriketdan keyingi to'rtinchi raqamli sport turi sanalar ekan. Shuning uchun O'zbekiston futbol jurnalistikasi ularga qaraganda ancha oldinda ekan.

Bir necha yillardan beri sbs.com.au saytida faoliyat olib borayotgan Skott O'zbekistonning etakchi futbol nashrlaridan biri "Futbol Ekspress" gazetasi bilan hamkorlikda bir loyihani yo'lga qo'yishimiz mumkinligini aytib o'tdi.

"CA" Skott Maklntayr bilan hamkorlikni yo'lga qo'ydi