So'nggi turlani ko'tarinki ruhda o'tkazayotgan, bir qator jamoalardan ochko tortib olayotgan "Surxon" Toshkentda "Bunyodkor" mehmoni bo'ladi. Superliga "chiroqlari" o'chgan "Dinamo" esa Qarshida "Nasaf" maydoniga safar qiladi. Chempionlik imkoniyatini saqlab qolgan "Navbahor" poytaxtda borgan sari ahvoli yomonlashib borayotgan "Lokomotiv" bilan to'qnashadi. Mazkur o'yinlar oldidan taniqli sobiq futbolchi Anvar G'ofurovning fikrlarini tingladik.

- Bu juftlikda peshqadam "Navbahor". Lekin ular bugun qiynalishlari tabiiy. Mezbon "Lokomotiv" Superligada o'rnini saqlab qolish uchun bor kuchini ishga soladi. Ikki jamoada ham o'ziga yarasha bosim bor. Biri chempionlik uchun, ikkinchisi ligada qolish uchun kurashmoqda.

- Ushbu bahsda "Nasaf" favorit. "Dinamo" Superligadan tushib ketishi aniq bo'lib ulgurgan bo'lsada, muxlislar uchun mavsumni yaxshi yakunlab qo'yishga harakat qiladi. Bizni Qarshida qiziqarli o'yin kutmoqda.

- "Jar"da bo'lib o'tadigan bellashuvda bitta gol hal qiladi, deb o'ylayman. Ikki jamoa ham o'z darvozasi dahlsizligini saqlab qolishga etibor qaratishadi. Tanganing boshqa tomoni ham borki, agarda darvozalarga erta to'p kiritilsa, gollar shousini ko'rishimiz mumkin.

- Chempionlik uchun shiddatli kurash ketmoqda. Bu Superligani bezab beryapti, deb o'ylayman. Mazkur intriga oxirgi turgacha saqlanib qoladi. Har bir klub bu yil juda katta ishlarni amalga oshirdi. Ularning har biri loyiq. Birinchi o'rinni olish yoki olmaslik ularning o'z qo'lida. Mavsum yakuniga qancha kam vaqt qolayotgan bo'lsa, bosim shuncha ortib boraveradi.

Superliga "chiroqlari" o'chgan "Dinamo". Toshkentda gollar shousini ko'ramizmi? Tanganing boshqa tomoni ham bor