Avvalgi yillarda Dinamoning yil futbolchisi klubning rasmiy saytida o'tkazilgan so'rovnoma orqali aniqlangan bo'lsa, joriy mavsumda telegramdagi rasmiy kanalida tashkil etilgan ikki bosqichli ovoz berish orqali saralandi.

Dastlabki bosqichda mavsum davomida o'zini yaxshi ko'rsatgan 10 nafar futbolchi kiritilgan bo'lsa, yakuniy bosqichda 5 nafar futbolchi qoldi – Komil Sharofutdinov, Obid Jo'raboev, Muhammadqodir Hamraliev, Damir Temirov va Shoxruh Abdurahmonov.

Etiborlisi, qariyb bir hafta davom etgan ovoz berish jarayonining dastlabki kunlarida jamoa yarimhimoyachisi Damir Temirov katta farq bilan 1-o'rinda borayotgan bo'lsa, so'rovnomaning so'nggi kunlarida Dinamo klubi kanalidagi so'rovnoma aksariyat muxlislar tomonidan boshqa kattaroq auditoriyalarga ega guruhlarga ham yo'llanib, yana boshqa ikki futbolchi uchun ovoz berilishi so'ralgani kuzatildi. Bu esa ikki ishtirokchi suniy ovozlar orqali yuqorilashiga sabab bo'ldi. Natijada so'rovnomani yakunlab, ikki bosqichning dastlabki kunlarida eng ko'p ovoz to'plagan Damir Temirovni Dinamo jamoasining 2020 yildagi eng yaxshi futbolchisi deb elon qilishga qaror qildik.

2020 yil davomida faol bo'lib, 3ta gol urib hamda 4ta golga hammualliflik qilgan 22 yoshli ushbu yarimhimoyachi so'rovnomada 2690 ovozdan 26 foiziga (718ta ovoz) ega chiqdi.

Keyingi o'rinlar Obid Jo'raboev, Muhammadqodir Hamraliev, Shoxruh Abdurahmonov va Komil Sharofutdinovga nasib qilgan.

Eslatib o'tamiz, 2007 yildan buyon klub matbuot xizmati tomonidan so'rovnoma orqali aniqlanib kelinayotgan Dinamoning mavsumdagi eng yaxshi futbolchisi nomiga quyidagi futbolchilar loyiq ko'rilgan:

Dinamoning yil futbolchisi nominaciyasi g'oliblari:

2007 yil – Farhod Tojiev

2008 yil – Ilyos Qurbonov

2009 yil – Bahodir Nasimov

2010 yil – Ilhom Yunusov

2011 yil – [Devid Oniya]

2012 yil – Ivan Nagaev

2013 yil – Andrey Melnichuk

2014 yil – Andrey Melnichuk.

2015 yil – Kamoliddin Murzoev.

2016 yil – Amirjon Safarov.

2017 yil – Jasur Azimov.

2018 yil – Akmal Xolmurodov.

2019 yil – Botirali Ergashev

2020 yil – Damir Temirov

Dinamo klubi matbuot xizmati.

Damir Temirov - Dinamoning 2020 yildagi eng yaxshi futbolchisi