"Yuventus" klubi Gonsalo Iguainni sotib olganidan so'ng Simone Dzadza jamoadan ketish niyatida ekanligini bildirgandi.

Simone Dzadzaga "Volfsburg" klubi qiziqish bildirdi. "Bo'rilar" Dzadza bilan shaxsiy kelishuvga ham erishishgandi. Ammo "Volfsburg" hamda "Yuventus" transfer narxi bo'yicha murosa qila olishmagani sabab ushbu o'tish amalga oshmay qolgandi.

"Napoli" klubi ham Dzadzani o'z safida ko'rishni istagandi. Biroq "Yuve" o'z futbolchisini raqobatchisiga sotishni xohlamadi.

Angliyaning "Vest Xem" klubi nihoyat Dzadzani qo'lga kiritishga yaqin turibdi. "Vest Xem" Dzadzani sotib olish huquqi bilan ijara asosida qo'lga kiritmoqda. Tomonlar transfer borasida kelishuvga erishishgan. Transfer esa hafta oxiriga qadar rasman amalga oshiriladi.

Agarda keyinchalik "Vest Xem" Dzadzanining transfer huquqini to'liq xarid qilishni istasa, unda "Yuventus"ga 28 million evro to'lab berishi lozim bo'ladi.

Dzadzaning yangi jamoasi deyarli aniq