"Ювентус" клуби Гонсало Игуаинни сотиб олганидан сўнг Симоне Дзадза жамоадан кетиш ниятида эканлигини билдирганди.

Симоне Дзадзага "Вольфсбург" клуби қизиқиш билдирди. "Бўрилар" Дзадза билан шахсий келишувга ҳам эришишганди. Аммо "Вольфсбург" ҳамда "Ювентус" трансфер нархи бўйича муроса қила олишмагани сабаб ушбу ўтиш амалга ошмай қолганди.

"Наполи" клуби ҳам Дзадзани ўз сафида кўришни истаганди. Бироқ "Юве" ўз футболчисини рақобатчисига сотишни хоҳламади.

Англиянинг "Вест Хэм" клуби ниҳоят Дзадзани қўлга киритишга яқин турибди. "Вест Хэм" Дзадзани сотиб олиш ҳуқуқи билан ижара асосида қўлга киритмоқда. Томонлар трансфер борасида келишувга эришишган. Трансфер эса ҳафта охирига қадар расман амалга оширилади.

Агарда кейинчалик "Вест Хэм" Дзадзанининг трансфер ҳуқуқини тўлиқ харид қилишни истаса, унда "Ювентус"га 28 миллион евро тўлаб бериши лозим бўлади.

Дзадзанинг янги жамоаси деярли аниқ