"E" guruhi peshqadami Germaniyaning "Bavariya" jamoasi bu turda Angliyaga safar uyushtiradi. Pley-off masalasini amalda hal etib qo'ygan Xosep Gvardiola boshqaruvidagi "Bavariya" Angliyaning amaldagi chempionlari "Manchester Siti" bilan o'zaro to'qnash kelishadi. Manuel Pellegrini bosh murabbiyligidagi "shaharliklar" o'tgan to'rtta turdan buyon hali biror marta ham g'alaba qozona olishmagan. Bu o'yin ular uchun juda muhim sanaladi. "Bavariya"ga qarshi o'yin ular uchun so'nggi imkoniyat bo'ladi. "Manchester Siti"ni bu o'yinda faqat va faqat g'alaba qanoatlantiradi. Aksincha bo'ladigan bo'lsa, ular pley-off yo'llanmasidan mosuvo bo'lishlari aniq. "Bavariya" esa musobaqa nufuzi va o'z obro'si uchun ham ijobiy natijaga erishish maqsadida maydonga tushadi.

Guruhning ikkinchi qarama-qarshiligi Moskvaning CSKA va Italiyaning "Roma" jamoalari o'rtasida kechadi. Leonid Sluckiy jamoasi musobaqa avvalida guruhdagi autsayder sifatida etirof etilayotgan edi va dastlabki uchta turni ko'ngildagidek o'tkaza olmadi. Lekin o'tgan turda Angliyada "Manchester Siti"ni sensacion tarzda mag'lub etganidan so'ng moskvalik "harbiylar" o'z imkoniyatlarini oshirib olishdi va endilikda ular ham pley-offga yo'l olish haqida o'ylay boshlashdi.
Rimning "Roma" klubi birinchi davradagi dastlabki uchrashuvda o'z maydonida CSKAni qaqshatkich tarzda "yakson" qilishgandi. Moskvadagi o'yin esa har ikkala jamoa uchun ham oson kechmasligi aniq.
Ushbu turdan so'ng bu guruhdagi bazi savollarga javob topsak kerak.
"Bavariya" bilan birgalikda keyingi bosqichga yo'l olish uchun qolgan uchchala jamoada ham etarlicha imkoniyatlar mavjud.

"E" guruhi, 5-tur.

"Manchester Siti" - "Bavariya" (00:45, "NTV PLYUS Futbol2")

"Etihad stedium".

Bosh hakam: Pavel Krlovec (Chexiya)

CSKA - "Roma" (22:00, "NTV PLYUS Futbol")

"Arena Ximki".

Bosh hakam: Feliks Brix (Germaniya)

4-turdan keyingi holat

#	Jamoa	O'	YU	D	M	UG - O'G	T-N	Ochk
1	Bayern Munich	4	4	0	0	11 - 1	10	12
2	Roma	4	1	1	2	7 - 11	-4	4
3	CSKA Moscow	4	1	1	2	5 - 9	-4	4
4	Manchester City	4	0	2	2	4 - 6	-2	2

ECHL. "E" guruhi, 5-tur. CSKA "Roma"ga qarshi, "Bavariya" esa Angliyada mehmon