Evropa futboli ishqibozlari seshanba kuni ham haqiqiy futbol havosidan "nafas" olishlari mumkin bo'ladi.
Ispaniya chempionatining 5-tur o'yinlari "Real" - "Elche" uchrashuvi orqali boshlanadi. Karlo Anchelotti shogirdlari "Deportivo" ustidan qozonilgan fantastik natijadan so'ng endi "Elche" bilan hisob-kitob qilib olishadi.
turnir jadvali peshqadami "Barselona" ertaga "Malaga" mehmoni bo'ladi.
Diego Simeone boshchiligidagi "Atletiko" safarda "Almeriya" bilan kuch sinashishiga to'g'ri keladi.

Ispaniya chempionati, 5-tur.

23 sentyabr, seshanba.

"Real" - "Elche" (23:00)

24 sentyabr, chorshanba.

"Selta" - "Deportivo" (01:00)
"Almeriya" - "Atletiko" (23:00)
"Eybar" - "Vilyarreal" (23:00)
"Rayo Valekano" - "Atletik" (23:00)

25 sentyabr, payshanba.

"Sevilya" - "Real Sosedad" (01:00)
"Granada" - "Levante" (01:00)
"Malaga" - "Barselona" (01:00)
"Espanol" - "Xetafe" (23:00)

26 sentyabr, juma.

"Valensiya" - "Kordoba" (01:00)

Germaniya chempionati ishqibozlari ham bugun zerikib qolishmaydi. Bundesligada ham 5-tur uchrashuvlari bo'lib o'tadi.
Turnir jadvalida peshqadamlik qilib kelayotgan "Paderborn" jamoasi hozircha mavsumni mag'lubiyatsiz davom ettirmoqda. Bundesliga debyutantining ushbu starti ko'pchilik uchun kutilmagan katta "sovg'a" bo'lgani sir emas. Ularni ushbu turda bundesligadagi eng katta sinov kutib turibdi. Yani, ular bu turda amaldagi chempion Myunxenning "Bavariya" jamoasi mehmoni bo'lishadi. Chempionat debyutanti, turnir jadvalidagi peshqadam jamoa uchun bu o'yin juda muhim hisoblanishi aniq. "Bavariya" esa o'tgan turda kutilmaganda autsayderlar qatoridan joy olib kelayotgan "Gamburg" qarshiligi enga olmagan edi. "Bavariya" o'z etakchilarining jarohatlari va har uch kunda o'yin o'tkazilayotgani bois, Pep Gvardiola har o'yinda tarkibda bir qator rotatciyalarni amalga oshirib ko'rishga majbur bo'lmoqda. Garchi o'yin favoriti mezbonlar hisoblanishsada, hozirgi "Bavariya"ning holati va raqibning muvaffaqiyatli o'yinlari uchrashuvda har narsa bo'lishi mumkinligini bildiradi.
O'tgan turda bundesligadagi barcha grand jamoalar ochko yo'qotishgan edi. Shulardan biri "Borussiya D" jamoasi. Bu turda Yurgen Klopp shogirdlari o'z maydonlarida "Shtutgart" bilan kuch sinashishadi. Alamzada "Borussiya D" o'z muxlislari qarshisida qanday bo'lmasin g'alaba qozonishga harakat qiladi.

Bundesliga, 5-tur.

23 sentyabr, seshanba.

"Bavariya" - "Paderborn" (23:00)
"Xoffenxaym" - "Frayburg" (23:00)
"Verder" - "Shalke" (23:00)
"Ayntraxt F" - "Maync" (23:00)

24 sentyabr, chorshanba.
"Borussiya D" - "Shtutgart" (23:00)
"Bayer" - "Augsburg" (23:00)
"Borussiya M" - "Gamburg" (23:00)
"Gannover" - "Kyoln" (23:00)
"Gerta" - "Volfsburg" (23:00)

"Paderborn" futbolchilari Gvardiola jamoasiga nima tayyorlab qo'yishgan ekan?

Shuningdek, bugun yana Franciya chempionatining 7-tur o'yinlari boshlanadi. Turnir jadvalida peshqadamlik qilayotgan "Marsel" "Reyms"ga safar uyushtiradi. PSJ esa "Kan" bilan to'qnash keladi.

Franciya chempionati, 7-tur.

23 sentyabr, seshanba.

"Reyms" - "Marsel" (22:00)

24 sentyabr, chorshanba.

"Renn" - "Tuluza" (00:00)
"Lion" - "Loryan (22:00)
"Bastiya" - "Nant" (22:00)
"Nicca" - "Lill" (22:00)
"Evian" - "Lans" (22:00)
"Monpele" - "Monako" (22:00)
"Gengam" - "Metc" (22:00)

25 sentyabr, payshanba.

"Kan" - PSJ (00:00)

26 sentyabr, juma.

"Sent-Eten" - "Bordo" (00:00)

Evrofutbol. Bugungi o'yinlar anonsi