Bir soatcha teng kechgan uchrashuvda Dimitrios Kourmpelis uchrashuvdagi ikkinchi penaltini o'z darvozasi oldida yuzaga keltirib qizil kartochka olib maydonni tark etgach, ustunlik O'rta Osiyoliklar tomoniga o'tdi.

O'yin shu tarzda kechishini uchrashuv boshidagi tomonlarning extiyotkor o'yinlariga qarab aytish qiyin edi. Ammo 27 daqiqada O'zbekiston ajoyib tarzda hisobni ochgach o'yin jonlandi. Jamoa sardori Vladimir Kozak chap qanotda yaxshi xarakat qilib, Abbosbek Maxstalievga ajoyib diagonal uzatmani amalga oshirdi, u esa to'pni to'xtatmay turib o'ng oyog'ida darvozaga yo'lladi, va darvoza to'sining ichki qismiga tekkan to'p darvoza to'ridan joy oldi.

Ammo Greciya ham bunga javob berishga xarakat qildi. Ionnis Gianniotasning jarima maydonchasi burchagidan aylanma tarzda yo'llagan jarima zarbasi biroz yuqoridan o'tib ketdi. O'zbek himoyachilarining Dimitrios Diamantakos hamda Ioannis Gianniotasga nisbatan qo'pol xarakatlari toza penaltiga olib keldi. Jamoa sardori Konstantinos Stafilidis masuliyatni o'z bo'yniga olib to'pga yaqinlashdi, hamda darvozaning yuqori chap qismiga to'pni yo'llab, hisobni tenglashtirdi.

Keyingi daqiqalarda Greciya yaxshiroq o'yin namoyish etayotgan edi, ammo 62 daqiqada Dimitrios Korpelis jarima maydonchasida raqibni ushlab qolganligi uchun ikkinchi sariq kartochkasini olib maydondan chetlatilgach hamda jamoasi darvozasi tomon penalti belgilangach, o'yin tizgini O'zbekiston tomoniga o'tdi. Penaltini Igor Sergeev aniq amalga oshirdi. U ishonchli tarzdagi aniq zarbasi bilan darvozabon va to'pni darvozaning turli burchaklariga yo'lladi.

Shundan so'ng Greciya yana o'zlariga o'zlari muammo keltirishdi. Dimitrios Konstantinidis Zabixillo O'rinboevga nisbatan qo'pol o'ynab uchrashuvdagi uchinchi penaltiga sababchi bo'ldi. Bu safar Sergeev penalti tepishni Sardor Raxmonovga qoldirdi, u esa o'z o'rnida darvozabon tashlanishini biroz kutdi hamda to'pni yuqori o'ng burchakka aniq yo'lladi.

Ammo mojarolar shu bilan nihoyasiga etmadi. Boburbek Yuldoshev ham o'yin tugashiga 4 daqiqa qolganida ikkinchi sariq kartochkasini olib maydonni tark etdi va jamoalarni son jihatidan tenglashtirdi. Ammo Greklar bundan foydalana olishmadi va O'zbekiston chorak finalga yo'l oldi.

Qobiljon Babaev tarjimasi

FIFA.com: Penaltilar yomg'iri va O'zbekiston chorak finalda