Unda muvaffaqiyatni matonat va fidoiylik kabi sifatlar olib keladi. Faqat shu yo'l bilan yiqilgandan keyin ham qayta turib, olg'a davom etish mumkin.

So'nggi vaqtlardagi ko'ngilsizliklarni unutib, 6 va 10 sentyabrlarda Iordaniya terma jamoasiga qarshi o'yinlarga tayyorgarlik ko'rayotgan O'zbekiston terma jamoasida ham umid hali so'nmagan. Ushbu juftlik g'olibi Braziliyada bo'lib o'tadigan jahon chempionatiga borish yo'lida Janubiy Amerika qitasi vakili bilan noyabr oyida kurash olib boradi.

“Oq bo'rilar” bu bosqichga o'z tarixlarida ikkinchi marta etib kelishdi va bu safargi natija oldingisi kabi ko'ngilsiz bo'lmasligiga umid qilishmoqda. Avvalgi safar Germaniya 2006 yo'lida ushbu bosqichda Baxraynga imkoniyatni boy berishgandi.

O'sha mag'lubiyatni hammadan ham yaxshi xotirlaydigan inson, terma jamoaning ayni vaqtdagi bosh murabbiyi Mirjalol Qosimovdir. U o'shanda har ikki o'yinda ham ishtirok etgan. Hozir u alamli muvaffaqiyatsizliklarni unutib, o'rnidan tura oldi va endi jamoasi bilan navbatdagi baxslarga tayyorgarlikni boshladi. O'zbekiston uchun bu yo'l Janubiy Amerika qitasi vakili bilan yakun topmog'i lozim.

Haqiqatdan ham 42 yoshli murabbiy o'tgan yilning iyun oyida terma jamoa boshqaruviga tayinlangandan buyon ko'p ishni amaga oshirdi. Jamoa bilan Osiyo qitasi saralash bahslarining to'rtinchi bosqichida Qatar, Eron va Livan ustidan g'alabaga erishdi. Shuningdek o'z uyida Janubiy Koreya bilan ham durang o'ynadi va Braziliyaga to'g'ridan to'g'ri beriladigan yo'llanmani, faqat gollardagi farq sabab boy berdi.

“Bu biz uchun sharmandali natija bo'ldi. Chunki biz Jahon Chempionati yo'llanmasini qo'lga kiritganimizni muxlislarimiz bilan birga nishonlashimiz mumkin edi”, deydi Qosimov. Uning jamoasi Qatarga qarshi kechgan o'yinda 5:1 hisobida g'alaba qozongan bo'lsa-da, bu termaning mundialga chiqishi uchun etarli bo'lmadi.

Shunga qaramay sobiq yarim himoyachi ishonchni yo'qotgani yo'q va juma kuni bo'lib o'tadigan Iordaniyaga qarshi “jang”ga tayyorlanmoqda. O'zbekistondagi javob uchrashuvi esa kelasi seshanbada bo'lib o'tadi. “Biz huddi oldingi ishtiyoq bilan kurashishda davom etishimiz kerak”, deydi Qosimov. “Hayot davom etadi va biz yo'limizda uchragan barcha to'siqlardan o'tishimizga to'g'ri keladi”.

Qimmatli tajriba
Qosimov terma jamoa bilan bu bosqichdagi mag'lubiyat alamini tatib ko'rgan termadagi yagona inson emas. Server Jeparov va Timur Kapadze ham 2005 yildagi Baxraynga qarshi o'yinda ishtirok etishgan va terma jamoa murabbiyi ularning bu tajribasi Iordaniyaga qarshi kechadigan o'yinda asqotishidan umidvor.

Baxraynga qarshi o'yinda ishtirok etgan yana bir futbolchi – terma jamoa darvozaboni Ignatiy Nesterov jarohati tufayli maydonga tusha olmaydi. Yosh qanot himoyachisi Shoxrux Gadoev ham jarohat sabab bu o'yinda o'ynamaydi. Shunday bo'lishiga qaramay, ularning ishtirok eta olmasligi jamoaning kayfiyatiga salbiy tasir qilmaydi. Jeparov va Kapadze, “Anji” yarim himoyachisi Odil Axmedov kabi bir necha istedodli futbolchilar bilan maydonga tushishadi. 25 yoshli Odil Braziliya 2014da ishtirok etish uchun bor kuchi bilan harakat qilishini takidladi.

“Xalqimiz mudial yo'llanmasini qo'lga kiritishimizni juda istayotganliklarini bilamiz va bor kuchimiz bilan bu ishni amalga oshirishga harakat qilamiz. Xudo xohlasa, bu orzularni ro'yobga chiqaramiz”, deydi futbolchi. “Iordaniyaga qarshi imkoniyatlarimiz yaxshi. Yutsak Janubiy Amerika jamoasiga qarshi o'yinaymiz. Shundoq ekan, bizni Jahon Chempionatidan 4ta o'yin ajratib turibdi”.

Jamoada o'ziga bo'lgan ishonch kuchli. Bu ishonchni ularga 2005 yilgi o'sha uchrashuvda alamli mag'lubiyatni tatib ko'rgan inson singdira olgan. U o'zining alamli tajribasini endi g'alaba yo'lida qo'llaydi. Nima bo'lganda ham, mundial yo'llanmasi osonlik bilan qo'lga kiritilmaydi.

FIFA.com: Qosimov O'zbekistonga ishonch bag'ishlay oladi