Futzal bo'yicha O'zbekiston milliy terma jamoasi Osiyo chempionatining bronza medallari sohibiga aylandi. 10 may kuni Osiyo chempionatining 3-o'rini uchun kechgan bahcda, O'zbekiston terma jamoasi Quvaytni 2:1 hisobida mag'lub etdi.

Vetnamning Xo Shi Min shahrida o'tgan futzal bo'yicha XIII Osiyo chempionatiga bugun yakun yasaldi. Musobaqaning bronza medallari uchun uchrashuvda Quvayt va O'zbekiston terma jamoalari kurash olib borishdi.

Nihoyatda qiziqarli tarzda o'tgan to'qnashuv, O'zbekiston terma jamoasi ustunligi ostida boshlandi. Birinchi daqiqalardan boshlab, Bahodir Ahmedov shogirdlari o'yin tizginini o'z qo'llariga olishga erishishdi. Natijada o'yin boshida Dilshod Raxmatov va Farhod Abdumavlonovlarda hisobni ochish uchun yaxshi imkoniyatlar bo'ldi, ammo O'zbekiston terma jamoasi hujumchilariga ohirgi soniyalarda aniqlik etishmadi.

Tezkor gol ura olmagan O'zbekiston terma jamoalari azolari omadsiz hujumlardan so'ng ruhiyatni tushurmay, raqibga kuchli pressingni qo'llay boshlashdi. Bunday o'yinni kutmagan Quvayt himoyachilaridan biri uchrashuvning 11-daqiqasida to'pni Dilshod Raxmatovga oldirib qo'ydi. Darvozabon bilan birga bir vaziyatda qolgan Raxmatov bu safar o'z imkoniyatidan unumli foydalanib, O'zbekiston terma jamoasini hisobda oldinga olib chiqdi.

Raxmatovning golidan so'ng, Quvayt terma jamoasi hujumga zo'r berdi. O'z navbatida, O'zbekiston qarshi hujum taktikasini qo'llay boshladi. Deyarli butun birinchi bo'lim davomida himoyada yaxshi o'yin ko'rsata olgan O'zbekistonlik futzalchilar, uchrashuvning 17-daqiqasida raqibni jarima maydonchasi ichida qo'pollik bilan to'xtatib qolganliklari uchun uchrashuv hakami Skot Kitson tomonidan penalti bilan jazolanishdi. Penalti belgilanishi bilanok, Bahodir Ahmedov zahiradan Rustam Umarov o'rniga Klim Tyugaevni darvozani qo'riqlash uchun maydonga tushirdi. Ahmedovning ushbu taktikasi o'zini to'laligicha oqladi. Penaltini qaytarish uchun maydonga tushgan Tyugaev o'z ishini alo darajada bajardi va 6 metrlik zarbani qaytardi. Tyugaevdan qaytgan to'pni Quvaytliklar yana bir bor darvozaga yo'llab qo'ymoqchi bo'lishdi, ammo bu safar ham Tyugaevning reakciyasi pand bermadi. Shunday qilib, ushbu vaziyatlarda O'zbekiston terma jamoasining zahira posboni tomonidan ko'rsatilgan ajoyib o'yin, birinchi bo'limda 1:0 hisobi saqlanib qolishiga imkon yaratdi.

Ikkinchi bo'lim birinchisi kabi O'zbekiston terma jamoasi ustunligi ostida boshlandi, ammo ushbu ustunlik ancha vaqt navf keltirmadi. Ko'plab hujumlar uyushtirgan Ahmedov shogirdlari Quvayt posboni Mxisen darvozasini ikkinchi bor nishonsha olish uchun ancha harakat qilishdi, ammo xar safar to'p darvoza to'riga borib tushmadi.

Uchrashuv davomida kamida 3ta imkoniyatdan foydalana olmagan Farhod Abdumavlonov, ohir oqibat o'z niyatiga erishdi. 34-daqiqada burchakdan to'p o'yinga kirilayotgan paytda, Abdumavlonov raqib himoyachilaridan chaqqonroq xarakat qilib, to'pni to'xtatib o'tirmay, Mxisen darvozasining tepa yaqin burchagiga yo'llab qo'ydi va hisobni 2:0ga etkazdi.

Ikkinchi goldan so'ng biroz hotirjamlikka berilgan O'zbekiston terma jamoasi futzalchilari, oradan bir daqiqa o'tib Quvayt tomonidan jazolanishdi. Hamad Al-Ashadi Quvaytliklarga umid keltiruvchi gol muallifiga aylandi.

Qolgan daqiqalarda O'zbekiston terma jamoasi azolari xatoga yo'l qo'yishmadi va o'yinni ishonchli tarzda o'z foydalariga hal qilishdi.

Shu tariqa, futzal bo'yicha O'zbekiston milliy terma jamoasi o'z tarihida uchinchi bor Osiyo chempionatining bronza medallarini qo'lga kiritdi.

Osiyo chempionati 2014
3-o'rin uchun bahs

Quvayt – O'zbekiston 1:2
Gollar: Hamad Al-Ashadi (35) – Dilshod Raxmatov (11), Farhod Abdumavlonov (34)
Ogohlantirishlar: Abdulrahmon (34) – Quvayt.

FOTOGALEREYA. Quvayt - O'zbekiston 1:2 (to'liq sharh)