Musobaqaning uchinchi kunida O'zbekiston terma jamoasi Ozarbayjonga qarshi bahs olib bordi va 3:6 hisobida imkoniyatni boy berib, yakunda uchinchi o'rinni band etdi. Quyida ana shu uchrashuvdan fotomaqolani etiboringizga havola etamiz.

O'ZBEKISTON madhiyasi yangramoqda...

O'zbekiston va Ozarbayjon terma jamoalarining bosh murabbiylari Bahodir Ahmedov hamda Faustino Perez.

Terma jamoamizning har bir o'yinidan oldin ana shu ulkan bayroq hilpiradi.

Har ikki jamoa sardorlari - Shuhrat Tojiboev va Rizvan Farzaliev o'zaro sovg'a almashishmoqda.

To'p uchun kurashda Dilshod Irsaliev hamda Xatai Bagxirov.

To'p bilan "xitoylik" Dilshod Raxmatov, raqiblarimiz bosh murabbiyi esa Dilshodni qo'yib yuborgani uchun himoyachilardan norozi.

Davron Abduraxmonov hisobni qisqartirgach...

Davronning goliga tovoni bilan pas bergan Sarvar Shoaxmedov kechagi o'yini bilan terma jamoaga munosib ekanligini isbotladi.

Janob Faustino bir daqiqa ichida o'tkazib yuborilgan ikkita goldan hayratda...

Ozarlar darvozaboni Jiovanni Buranello esa murabbiydan ham o'tib tushdi, boshqa o'ynamayman deb o'tirib oldi.

"Nu, pogodi" multfilmidagi raqs esingizdami???

Konstantin Sviridov ana shu zarbasidan keyin terma jamoamizni hisobda oldinga olib chiqqan edi.

Ozarbayjon terma jamoasining parketdagi beshta futzalchisidan to'rttasi asli braziliyalik mahalliylashtirilgan o'yinchilar. Faqatgina 15 raqamdagi Xatai Bagxirov ozar millatiga mansub.

"SA" talqiniga ko'ra, O'zbekiston terma jamoasining turnirdagi eng yaxshi o'yinchisi deb topilgan Artur Yunusovning jon holatda sakrashi ham jamoamizni uchinchi goldan qutqarib qola olmadi.

Mag'lubiyatga qaramay VATANIMIZ bayrog'i butun o'yin davomida baland hilpiradi, bayrog'imiz xalqaro maydonlarda bundan ham baland hilpirayversin!!!

Tolibjon Qosimov

Fotomaqola: "Tashkent Cup-2014". O'zbekiston - Ozarbayjon 3:6