17 oktyabr kuni uchinchi kun uchrashuvlari o'tkazildi.

Ikkinchi kun o'yinlarida Ardusni 3:1 hisobida mag'lubiyatga uchratib, o'ziga xos sensaciya ko'targan Qarshining Do'stlik-AIN jamoasi mavsum arafasida o'z tarkibini mahoratli o'yinchilar bilan to'ldirishga muvaffaq bo'lgan Kogonga 2:5 hisobida imkoniyatni boy berdi. Ketma-ket uchta o'yinda g'alaba qozongan buxoroliklar esa musobaqa jadvalida peshqadam bo'lib olishdi.

Amaldagi O'zbekiston chempioni, Toshkentning Lokomotiv jamoasi hisobida ham to'qqiz ochko bor. Etiborli tomoni, temiryo'lchilar uchinchi o'yin kuni asosiy raqiblaridan biri – Maksam-Chirchiqni 2:0 hisobida mag'lubiyatga uchratishga muvaffaq bo'lishdi. Biroq to'plar nisbati sabab Lokomotiv ikkinchi pog'onanini band etib turibdi.

Ardus Andijonning Turon-S jamoasini 4:2 hisobida mag'lubiyatga uchratgan bo'lsa, Paxtakor va Bunyodkor o'z raqiblari darvozasiga 9tadan gol urishdi – Nafis paxtakorchilarga 2:9, Stroitel-Zarafshon esa bunyodkorchilarga 4:9 hisobida imkoniyatni boy berdi.

To'rtinchi kun uchrashuvlari 18 oktyabr, juma kuni o'tkaziladi. Shu kuni Paxtakor – Do'stlik-AIN, Nafis - Maksam-Chirchiq, Stroitel-Zarafshon – Lokomotiv, Kogon – Turon-S va Ardus – Bunyodkor uchrashuvlari bo'lib o'tadi.

O'zbekiston chempionati, 1-bosqich, 1-tur
Uchinchi o'yin kuni natijalari
17 oktyabr, payshanba
Do'stlik AIN – Kogon 2:5
Turon-S – Ardus 2:4
Paxtakor – Nafis 9:2
Bunyodkor - Stroitel-Zarafshon 9:4
Lokomotiv - Maksam-Chirchiq 2:0

#	Jamoa	O'	G'	D	M	T-N	O
1	Kogon	3	3	0	0	18-4	9
2	Lokomotiv	3	3	0	0	14-2	9
3	Do'stlik AIN	3	2	0	1	11-8	6
4	Ardus	3	2	0	1	9-7	6
5	Maksam-Chirchiq	3	2	0	1	6-5	6
6	Bunyodkor	3	1	0	2	10-10	3
7	Paxtakor	3	1	0	2	11-12	3
8	Turon-S	3	0	1	2	7-11	1
9	Stroitel-Zarafshon	3	0	1	2	9-18	1
10	Nafis	3	0	0	3	6-24	0

Futzal. Kogon va Lokomotiv peshqadamlikni qo'lga oldi