JCH-2014. “G” guruhi. 1-tur
Germaniya – Portugaliya 4:0

"Fonte Nova" stadioni
Bosh hakam: Milorad Majich (Serbiya)
Qanotlardagi hakamlar: Milovan Ristich, Dalibor Jo'rjevich.
Gollar: Tomas Myuller 11 (pen.), 45+1, 78, Mats Xummels 32

Germaniya: Manuel Noyer, Benedikt Xovedes, Mats Xummels (Shkodran Mustafi, 73), Sami Xedira, Mesut Ozil (Andre Shyurrle, 62), Tomas Myuller (Lukas Podolski), Filipp Lam, Per Mertezaker, Toni Kroos, Mario Gyotce, Jerom Boateng.

Portugaliya: Rui Patrisiu, Brunu Alvesh, Pepe, Migel Velozu (Kosta, 46), Fabio Koentrau (Almeyda, 65), Krishtianu Ronaldu, Joao Moutino, Ugu Almeyda (Eder, 27), Raul Meyrelesh, Luish Nani, Joau Pereyra.

Ogohlantirishlar: Joau Pereyra 11
Chetlatish: Pepe 37

                              MATNLI TRANSLYACIYA
                                         YANGILASH

Tamom! Nemislar g'alaba qozonishdi, tabriklaymiz.

90+2. Ronaldudan super zarba, lekin Noyer qktqardi jamoasini.

89. Ronaldu va jamoasining hujumlari o'xshamayapti...

85. Ronaldu jarimadan tepdi, bugun uning kuni emas.

82. Yoaxim Lyov uchrashuv qahramoniga muhlislar olqishini eshitish imkonini berdi, uni Podolski bilan almashtirdi.

Myuller bugun darvoza tomon jami 4 ta zarba berdi, ulardan 3 tasi darvoza tomon aniq bordi va 3 ta gol. Fantastik ko'rsatkich!!!

Buyog'i ochiq eshiklar kuni bo'lib ketdi...

78. Gooooolllll, xet-trik Myullerdan.

75. Ronalduning zarbasini Noyer qaytardi, qaytgan to'pga Eder zarba bermoqchi bo'lganda Xovendes uni yiqitdi, lekin penalti qani? Yo'q, har holda Majich janobi oliylari shunday deb hisobladi.

73. Ikkinchi gol muallifi Xummels maydonni jarohat olib tark etdi, o'rniga Shkodran Mustafi tushdi.

72. Mats Xummels jarohat oldi.

Pepe qizil olgan vaziyat

69. Getce bugun nechanchi imkoniyatdan foydalana olmayapti, adashib ham ketdim.

Myuller gol urgan vaziyat

65. Almeyda tushdi Fabioning o'rniga.

63. Aftidan Portugaliyada navbatdagi majburiy o'zgarish bo'ladi. Koentrau mushaklarini cho'zib oldi.

62. Ozil o'rniga Shyurrle maydonga tushmoqda.

60. Krishtining jarimadan bergan zarbasini jonli devor qaytarib yubordi.

59. Noyer darvozasi tomon jarima, Ronalduni chalishdi.

57. Nemislarning har bir hujumi xavfli ko'rinish olmoqda.

55. Moutino jarimadan pas oshirdi, samarasiz. Baland bo'yli nemis himoyachilaridan nima ham kutish mumkin?

52. Nani to'p bilan kirib borayotganda Koentrau unga halaqit qilib qoldi. Undan ko'ra ichkariroqqa kirib ochilsa foydaliroq bo'lardi.

51. Ozil birga bir chiqdi, zarba ham berdi. Patrisiu qutqardi. Myuller esa ikkinchi tempda faol bo'lishi kerak edi.

49. Koentrauning ikki marta chap qanotdan uzatgan to'pi samarasiz chiqdi.

Ikkinchi bo'limda bosh hakam voqealar markazida bo'lmaydi deb umid qilamiz.

Ikkinchi bo'lim boshlandi! Davom etamiz!

Nemislar ilk 45 daqiqalikda futbolni qanday o'ynash kerakligini portugallarga ko'rsatib qo'yishdi, ular bugun kuchli. Lekin, har qanday holatda ham bosh hakam o'yinni buzib qo'ydi.

Birinchi bo'lim qahramonlari va anti qahramonlari maydonga tushib kelishmoqda, ikkinchi bo'limni boshlash uchun.

Germaniya terma jamoasi bugun o'zining JCH lardagi yubiley 100 o'yinini o'tkazmoqda. Buyog'i endi to'yga to'yona bo'ldi.

Bugun biz Ronaldudan ajoyib o'yin kutgandik. Lekin bunga imkon berishmayapti. Penalti, majburiy o'zgarish va qizil kartochka - bular butun o'yinni buzib qo'ydi.

Tanaffus.

Tomas to'p uchun kurashda Bruno Alveshni yutdi va zarba berdi.

45+1. Gooooolllll, bo'ldi, tamom, 3:0. Yana Myuller!!

42. Getcening navbatdagi zarbasini Patrisiu ushlab oldi.

Pepe nima bo'lganda ham o'zini tutib turishi kerak edi, u butun jamoani qiyin ahvolga solib chiqib ketdi.

40. Nemislar o'zizdan bo'lsin, o'zizdan bo'lsin deb jarimani tepishdi.

Afsuski, Milorad Majich o'yinning jozibasini buzib qo'ydi.

Mana senga olam-olam gulll, etaginga siqqanicha olll derdi bir filmda....

37. Qizil!!! Pepega!

Eder havodagi kurashni yutdi, biroz noaniq zarba berdi. Malumot

36. Pepe va Xummels kelisha olishmayapti.

35. Nani va Ronaldu 3 himoyachiga qarshi, lekin Nani juda noaniq pas oshirdi.

Kroos burchakdan etkazib berdi, Pepe esa havodagi kurashni Xummelsga yutqazdi.

32. Goooolllllll, Xummels!

30. Toni Kroos jarima amalga oshirdi, samarasiz.

Bugun portugallarga nimadir bo'lmoqda. Omad etishmayapti.

27. Portugaliya tarkibida majburiy o'zgarish bo'ladi. Ugu Almeyda jarohat oldi, uning o'rniga Eder maydonga tushdi.

25. Nani juda kuchli zarba berdi, biroz yuqoridan o'tdi.

Xummels uzun pas bilan Getceni birga-bir chiqarmoqchi edi, o'xshamadi.

24. Xovedesning to'p uzatishini himoyachi qaytarib yubordi.

22. Pepe bugun himoyada "qoya" bo'lmoqda.

20. Jerom Boateng zarba berib ko'rdi, omadsiz urinish.

18. Myuller chap qanotdan pas oshirdi, ancha noaniq.

Ronaldu jamoadoshlari o'yinni juda yaxshi boshlashgan edi, ko'ramiz o'sha tempni ushlab turisharmikin.

Bunday boshlanishni hech kim kutmagan edi nazarimda, hakam 50/50 vaziyatda 11 metrlikni ko'rsatdi.

11. Goooooollll, Tomas Myuller, 1:0.

10. Penalti! Portugaliya darvozasiga. Pereyra Getceni to'xtatib qoldi deb hisobladi hakam

8. Patrisiuning qo'pol xatosi, uning baxtiga Xedira gol ura olmadi. Boshlanishi chakki emas.

8. Ronalduuuuuu, bu safar Noyer qutqardi.

6. Ronaldudan ham ilk zarbani ko'rdik, ancha yuqoridan ketdi. Shunchaki, to'pning imkoniyatini chamalab oldi deb qo'ya qolamiz...

5. Birinchi zarba muallifi - Ugu Almeyda. Biroz kuch etishmadi.

2. Birinchi hujumni nemislar tashkillashtirishdi. Jerom Boatengning o'ng qanotdan etkazib bergan to'pini Getce darvozaga to'g'rilab qo'ya olmadi.

- Har ikki terma jamoa ham o'zlarining ananaviy liboslarida harakat qilishmoqda.

- Haligi nimaydi, haaa qani kettik!!!

- Uchrashuv boshlandi!

- Bugun barcha martabali insonlar stadionda. Avvalo Germaniya kancleri Angela Merkel. Merkel xonim bugun rasmiy libosda emas, qizil rangli pidjak ayni futbol atmosferasiga mos tushadi.

- Bugun Ronaldu maydonda, demak nemis himoyachilariga etarlicha ish topiladi.

- Endi esa Portugaliya davlat madhiyasi.

- Dastlab bugungi uchrashuvni rasman mezbon sifatida o'tkazadigan Germaniya davlat madhiyasi yangramoqda.

- Bugungi futbol oqshomi fantastik qarama-qarshilik bilan boshlanadi. Uyqu kelaytgan bo'lsa, 10 daqiqa sabr qiling. Kafolat beramiz, o'yinning dastlabki daqiqalaridanoq uyqu degan narsani unutasiz. Chunki bugun shunday o'yin bo'ladi.

- Har ikki jamoa ham yo'lakchada turibdi.

- Bugun sizlar uchun o'yinni Tolibjon Qosimov sharhlab boradi.

- Assalom alaykum qadrli va hurmatli futbol shaydolari! Futbolning jozibasidan, uning lazzatilan bahra olishni istaganlarga Germaniya - Portugaliya uchrashuvini kuzatib borishni tavsiya etamiz.

GERMANIYA - PORTUGALIYA 4:0. MATNLI TRANSLYACIYA