Garchi, uchrashuv gulistonliklar tomonida bo'lishiga qaramasdan qo'qonliklar birinchi bo'lib hisobni ochishdi. 7-daqiqada Aziz To'xtaboev penaltidan unumli foydalandi - 0:1. Shundan keyin hujumga zo'r bergan B.Ashurmatov jamoasi 15-daqiqaga kelib muvozanatni tiklashdi. Bu pallada Sergey Rekun chamasi 12 metrlardan Aziz Ashurovni dog'da qoldirdi – 1:1. 22-daqiqada qo'qonlik himoyachi Xurshid Uzoqboev jamoamiz himoyachisi Bobur Akbarovga nisbatan qo'pollik ishlatdi. Bosh hakam Olimjon To'ychiboev “Qo'qon-1912” darvozasiga penalti belgiladi. Jarima zarbasini sardorimiz Xurshid Yo'ldoshev aniq amalga oshirdi – 2:1. Tanaffusdan keyin ham “Guliston” futbolchilari o'yin tizginini o'z qo'llarida ushlab turishdi va raqib darvozasi oldida bir qator xavfli vaziyatlarni sodir etishdi. Biroq yakunlovchi zarbani yo'llashda sirdaryoliklarga aniqlik etishmadi. 53-daqiqada jamoamiz mashg'ulotlarida qatnashayotgan Shukur Jumaboev ajoyib tarzda Aziz Ashurov darvozasini aniq nishonga oldi – 3:1. 82-daqiqada 11 metrlik jarima zarbasini golga aylantirgan Aziz To'xtaboev o'z dublini rasmiylashtirdi. Takidlash joizki, bosh hakam Olimjon To'ychiboev maydonda hjamoamarakat qilgan raqiblar darvozasiga ikkitadan – jami to'rtta (!) penalti ko'rsatdi.

"Guliston" - “Qo'qon 1912” – 3:2 (2:1). Do'rmon.
Hakamlar: Olim To'ychiboev, Nabijon Ro'zimov, Timur Galeev.
“Guliston”: 1.Ilxom Jumanov, 3.Akbar Satttaev, 18.Bobur Akbarov, 22.Toxir Shamshitdinov, 23.Sarvar Jo'raev, 28.Ilyas Xayrov, 25.Elyor Jaxonov,7.Rabbim Xasanov, 9. Xurshid Yo'ldoshev, 15.Sergey Rekun, 27.Konstantin Boev.
Zaxiradan tushganlar: Doniyor Usmonov, G'anisher Samandarov, Shukur Jumaboev, Dilshod Shukurov, Nodir Teshaboev, Jasur Otajonov, Zafar Qoraqulov, Mirjalol Qurbonov, Rustam Qodirov, Habibullo Buvataev, Sanjar Baratov, Dilmuhammad Xudoyberdiev.

“Qo'qon 1912”: Aziz Ashurov, Aziz Yoqubov, Aleksandr Kritinin, Xurshid Uzoqboev, Muxsin Nizomiddinov, Raxmatillo Meliboev, Laziz Safoev, Baxodir Akramov, Davlat Yorbekov, Aziz To'xtaboev, Ahmadjon Raimjonov.
Zaxiradan tushganlar: Andrey Baklanov, Aziz Madaliev, Ali Yo'ldoshev, Rustam Abduhamidov, Abdulla Mirzaev.

Gollar: Sergey Rekun (15), Xurshid Yo'ldoshev (22-pen.), Shukur Jumaboev (53) --Aziz To'xtaboev (11, 82, ikkalasini ham pen.).
Amalga oshirilmagan penalti: Xurshid Yo'ldoshev (30).
Chetlatish: J.Otajonov (63) – A.Yo'ldoshev (63)

"Guliston" - "Qo'qon 1912" uchrashuvida to'rtta penalti belgilandi